गिफ्ट्स, बोनस 'छोटी बात'; या भारतीय कंपनीची कर्मचाऱ्यांना Free London Tour, 1 हजार जणांना ग्रँड सरप्राइज

Published by:Jaykrishna Nair

Last Updated:November 28, 2025 10:03 PM IST

Free London Tour: भारतीय रिअल इस्टेट कंपनी कासाग्रँड आपल्या 1,000 कर्मचाऱ्यांना अख्ख्या आठवड्यासाठी लंडनची फुकट सफर घडवणार आहे. कंपनीच्या रिवॉर्ड प्रोग्रामअंतर्गत कर्मचारी जगातील अनेक देशांमध्ये फिरून आले असून, यंदाची लंडन ट्रिपही मोठी चर्चेत आहे.

चेन्नई: कर्मचाऱ्यांना गिफ्ट्स आणि बोनसची बरसात करणाऱ्या कंपन्यांविषयी आपण अनेकदा ऐकले असेल. पण आज आपण अशा एका अनोख्या कंपनीविषयी जाणून घेणार आहोत जी आपल्या कर्मचाऱ्यांना मोफत परदेशभ्रमंती घडवते. या कंपनीचे कर्मचारी आतापर्यंत अनेक देशांची सफर करून आले आहेत आणि आता त्यांना एक आठवड्याच्या लंडन ट्रीपवर नेले जाणार आहे, तेही कंपनीच्या पूर्ण खर्चावर.

चेन्नईस्थित रिअल इस्टेट कंपनी कासाग्रँड (Casagrand) यांनी घोषणा केली आहे की त्यांच्या वार्षिक रिवॉर्ड प्रोग्राम प्रॉफिट शेअर बोनांझा अंतर्गत भारत आणि दुबई येथील 1,000 कर्मचाऱ्यांना एका आठवड्यासाठी लंडन फिरवण्यासाठी नेले जाणार आहे.

कंपनीने सांगितले की हा रिवॉर्ड प्रोग्राम अनेक वर्षांपासून चालू आहे आणि आतापर्यंत 6,000 हून अधिक कर्मचाऱ्यांना सिंगापूर, थायलंड, मलेशिया, दुबई, स्पेन अशा अनेक देशांमध्ये प्रवास घडवून आणला आहे. कंपनीच्या मते, या उपक्रमामुळे कर्मचारी आणि कंपनी यांच्यातील मजबूत नाते दृढ होते.

कंपनीनुसार या उपक्रमाचा मुख्य उद्देश कर्मचार्‍यांना कंपनीशी अधिक जवळीक वाटावी हाच आहे. या उपक्रमाची सुरुवात झाल्यापासून कंपनीची प्रगती आणि कर्मचार्‍यांचा उत्साह दोन्ही वाढले आहेत. कंपनीचे म्हणणे आहे की, कासाग्रँडचा यशस्वी प्रवास हा कर्मचार्‍यांच्या अथक परिश्रमाचे फळ आहे, त्यामुळे हा यशस्वी टप्पा कंपनीने आणि कर्मचार्‍यांनी एकत्र येऊन साजरा केला पाहिजे. या वर्षी भारत आणि दुबईमधील 1,000 कर्मचाऱ्यांना लंडनमधील ऐतिहासिक आणि सांस्कृतिक अनुभव देण्यासाठी अनेक गटांमध्ये ही सहल आयोजित केली जाणार आहे.

कंपनीने दिलेल्या माहितीनुसार, कर्मचार्‍यांना लंडन दौऱ्यात विंडसर कॅसलचे ऑडिओ-गाइडेड टूर, कॅम्ब्डेनमधील गजबजलेले रस्ते आणि बाजारपेठेची सफर, तसेच इंटरकॉन्टिनेंटल लंडन येथे एक भव्य डिनर असा समृद्ध अनुभव देण्यात येणार आहे. याशिवाय सेंट पॉल्स कॅथेड्रल, लंडन ब्रिज, बिग बेन, बकिंगहॅम पॅलेस, पिकॅडिली सर्कस, ट्राफलगर स्क्वेअर अशा जगप्रसिद्ध स्थळांना भेट देण्याची संधी कर्मचार्‍यांना मिळणार आहे. शेवटी मॅडम तुसाद म्युझियम आणि टेम्स नदीवरील क्रूज ट्रिप यांसह हा दौरा संपेल.

कासाग्रँडचे संस्थापक आणि व्यवस्थापकीय संचालक अरुण एम. यांनी म्हटले की कंपनीत दरवर्षी असेच सेलिब्रेशन केले जाते. त्यांच्या मते, “आमची टीम हीच कंपनीची खरी शक्ती आहे. एकत्र हसणं, साजरं करणं आणि अडचणी विसरणं हेच आमच्या संस्कृतीचं सार आहे.” त्यांनी सांगितले की कंपनीचे उत्पन्न कर्मचारी आणि कंपनीमध्ये वाटले जाते, आणि या उपक्रमामुळे अनेक कर्मचार्‍यांनी पहिल्यांदाच परदेश प्रवासाचा आनंद लुटला आहे. हेच त्यांना प्रेरणा देते की हा परंपरा पुढेही कायम ठेवावी.

या मोठ्या दौऱ्यासाठी कंपनी महिनोंमहिने तयारी करते. मोठ्या एअरलाइन्ससोबत तिकीट बुकिंग केली जाते आणि शक्य तितक्या सर्व कर्मचार्‍यांना एकत्र प्रवास आणि एकाच ठिकाणी निवासाची सोय करण्यात येते, जेणेकरून सगळ्यांना समान आदरातिथ्य (Hospitality) मिळेल.

कासाग्रँडची स्थापना वर्ष 2003 मध्ये झाली असून मागील दोन दशकांत कंपनीने 160 पेक्षा अधिक प्रकल्प पूर्ण केले आहेत. कंपनीने आतापर्यंत 5.3 दशलक्ष चौरस फूट क्षेत्रात निवासी प्रकल्प विकसित केले आहेत आणि दक्षिण भारतातील रिअल इस्टेट क्षेत्रात आपला ठसा उमटवला आहे.

view comments

Location :

Mumbai,Maharashtra

First Published :

November 28, 2025 10:03 PM IST

गिफ्ट्स, बोनस 'छोटी बात'; या भारतीय कंपनीची कर्मचाऱ्यांना Free London Tour, 1 हजार जणांना ग्रँड सरप्राइज

गिफ्ट्स, बोनस 'छोटी बात'; या भारतीय कंपनीची कर्मचाऱ्यांना Free London Tour, 1 हजार जणांना ग्रँड सरप्राइज

फोटो

ताज्या बातम्या