मनमोहन सिंग यांच्या निधनानंतर लोक अचानक नोटा खरेदी करू लागले, १ रुपयाच्या नोटेसाठी इतके रुपये देण्यास तयार

डॉ.मनमोहन सिंग हे १९७६ साली अर्थ सचिव होते आणि या पदावर असल्याने एक रुपयाच्या नोटेवर त्यांची स्वाक्षरी आहे. डॉ.सिंग १६ सप्टेंबर १९८२ ते १४ जानेवारी १९८५ या काळात RBIचे गव्हर्नर होते. एक रुपया वगळता अन्य सर्व नोटांवर आरबीआयच्या गव्हर्नरची स्वाक्षरी असते. डॉ. मनमोहन सिंग यांच्या निधनाचे वृत्त आल्यानंतर लोकांनी अचानक त्यांची स्वाक्षरी असलेल्या नोटा विकत घेण्यास सुरुवात केली.

डॉ. मनमोहन सिंग अर्थमंत्री म्हणून देशाची सूत्रे अशा वेळी हाती घेतली होती जेव्हा भारत दिवाळखोरीच्या उंबरठ्यावर उभा होता. देशाने सोने गहाण ठेवले होते. आयातीसाठी फक्त २ आठवडा पुरेल इतके परकिय चलन उपलब्ध होते. अशात सिंग यांनी जुलै १९९१ साली ऐतिहासिक असा अर्थसंकल्प सादर केला ज्यामुळे देशाच्या विकासाची दिशाच बदलली. आज भारत जगातील पाचवी मोठी अर्थव्यवस्था असून या प्रवासाची सुरूवात सिंग यांनी केली होती.