1 फेब्रुवारी रोजी केवळ एमसीएक्सच नाही तर शेअर बाजार देखील सुरू राहणार आहे. नॅशनल स्टॉक एक्सचेंज (एनएसई) आणि बॉम्बे स्टॉक एक्सचेंज (बीएसई) यांनी स्वतंत्र परिपत्रके जारी करून ही माहिती दिली आहे. सकाळी 9:15 ते दुपारी 3:30 पर्यंत नेहमीसारखं सुरू ठेवण्याचा निर्णय घेण्यात आला आहे. याआधी मार्केट रिकव्हरीसाठी शनिवारी अर्धावेळी काहीवेळा शेअर मार्केट सुरू ठेवण्याचा निर्णय प्रायोगित पातळीवर घेण्यात आला होता. आठवड्याच्या शेवटी (शनिवार-रविवार) शेअर बाजार बंद असतो. बजेट असल्यामुळे मार्केट सुरू ठेवण्याचा निर्णय घेतला आहे. यापूर्वी, 1 फेब्रुवारी 2020 आणि 28 फेब्रुवारी 2015 रोजी शनिवारीही अर्थसंकल्प सादर करण्यात आला होता आणि त्या दिवशी शेअर मार्केट सुरू ठेवण्यात आला होता.

शनिवार आणि रविवारी शेअऱ मार्केट बंद असतं. मात्र यावेळी अर्थसंकल्प शनिवारी म्हणजे 1 फेब्रुवारीला सादर केला जाणार आहे. त्यामुळे या दिवशी एमसीएक्सने शेअर मार्केट सुरू ठेवण्याचा निर्णय घेतला आहे. अर्थसंकल्पाची तारीख जसजशी जवळ येत आहे तसतशी लोकांमध्ये उत्साह वाढत आहे.1 फेब्रुवारी रोजी अर्थसंकल्प सादर केला जाणार आहे. अर्थमंत्री निर्मला सीतारमण 2025-26 या आर्थिक वर्षासाठीचा अर्थसंकल्प सादर करतील. या अर्थसंकल्पाबाबत सर्वसामान्यांना दिलासा मिळणार का याची आतूरता आहे. तर व्यवसायिकांसाठी काय खास असेल हे देखील पाहाणं महत्त्वाचं ठरणार आहे. दुसरीकडे शेतकऱ्यांसाठी कोणत्या योजनांची मुदत आणि आर्थिक मदत वाढवणार हे पाहावं लागणार आहे.