तुम्ही UPI वापरता का? आजपासून नियम बदलले, माहिती नसल्यास नुकसान होऊ शकतं
- Published by:Devika Shinde
Last Updated:
तुमच्या सोयीसाठी आणि सुरक्षिततेसाठी नॅशनल पेमेंट्स कॉर्पोरेशन ऑफ इंडिया ने 1 एप्रिल 2026 पासून एक अत्यंत महत्त्वाचा नियम लागू केला आहे. जर तुम्ही तुमच्या मोबाईल नंबरकडे दुर्लक्ष केलं असेल, तर तुमचे PhonePe, Google Pay किंवा Paytm कायमचे बंद होऊ शकते. हा नियम नेमका काय आहे आणि तुमची UPI आयडी कशी वाचवायची, हे सविस्तर जाणून घेऊया.
मुंबई : आजच्या डिजिटल युगात खिशात पाकीट नसलं तरी चालतं, पण हातात मोबाईल आणि त्यात 'UPI' असणं अनिवार्य झालं आहे. चहाच्या टपरीपासून ते मोठ्या शॉपिंग मॉलपर्यंत, आपण स्कॅन करतो आणि सेकंदात पैसे ट्रान्सफर करतो. पण विचार करा, उद्या सकाळी तुम्ही दुकानात गेलात आणि पेमेंट करताना अचानक UPI सेवा उपलब्ध नाही असा मेसेज आला तर?
तुमच्या सोयीसाठी आणि सुरक्षिततेसाठी नॅशनल पेमेंट्स कॉर्पोरेशन ऑफ इंडिया ने 1 एप्रिल 2026 पासून एक अत्यंत महत्त्वाचा नियम लागू केला आहे. जर तुम्ही तुमच्या मोबाईल नंबरकडे दुर्लक्ष केलं असेल, तर तुमचे PhonePe, Google Pay किंवा Paytm कायमचे बंद होऊ शकते. हा नियम नेमका काय आहे आणि तुमची UPI आयडी कशी वाचवायची, हे सविस्तर जाणून घेऊया.
advertisement
90 दिवसांचा 'डेडलाईन' नियम काय आहे?
NPCI च्या नवीन मार्गदर्शक तत्त्वांनुसार, जर एखादा मोबाईल नंबर 90 दिवसांपेक्षा जास्त काळ निष्क्रिय असेल, तर त्या नंबरशी संबंधित सर्व UPI सेवा बंद केल्या जातील.
हे पाऊल का उचलले?
अनेकदा आपण एखादा सिम कार्ड वापरणे बंद करतो, पण तो नंबर आपल्या बँक खात्याशी आणि UPI आयडीशी लिंक असतो. दूरसंचार कंपन्या ठराविक काळानंतर तोच जुना नंबर दुसऱ्या ग्राहकाला विकतात. अशा वेळी, जर जुन्या ग्राहकाचे UPI खाते त्या नंबरवर सक्रिय असेल, तर नवीन व्यक्ती त्याचा गैरवापर करून तुमच्या बँक खात्यातून पैसे काढू शकते. ही आर्थिक फसवणूक रोखण्यासाठीच सरकारने हा कठोर निर्णय घेतला आहे.
advertisement
कोणाला बसणार याचा फटका?
ज्यांनी आपले जुने सिम कार्ड रिचार्ज केलेले नाही.
ज्यांचे बँक खाते एका जुन्या नंबरवर आहे जो आता त्यांच्याकडे नाही.
जे युजर्स अनेक महिने आपला UPI ॲप वापरत नाहीत.
तुमचे UPI चालू ठेवण्यासाठी 'या' 3 गोष्टी करा
1. मोबाईल नंबर सक्रिय ठेवा: तुमचा जो नंबर बँकेला लिंक आहे, तो नियमित रिचार्ज करा आणि सक्रिय ठेवा.
advertisement
2. बँकेत नंबर अपडेट करा: जर तुम्ही तुमचा जुना नंबर कायमचा बंद केला असेल, तर तात्काळ बँकेत जाऊन नवीन आणि सक्रिय नंबर लिंक करा.
3. सहमती : येणाऱ्या काळात, मोबाईल नंबर UPI आयडीशी लिंक करण्यासाठी युजर्सची स्पष्ट संमती घेतली जाणार आहे. त्यामुळे तुमच्या पेमेंट ॲपवर येणाऱ्या नोटिफिकेशन्सकडे लक्ष द्या.
धोखाधडी रोखण्यासाठी NPCI ने सर्व बँका आणि पेमेंट प्लॅटफॉर्म्सना (उदा. Google Pay, PhonePe) दर आठवड्याला निष्क्रिय नंबरची यादी अपडेट करण्याचे आदेश दिले आहेत. याचा अर्थ असा की, आता सिस्टिम अधिक वेगवान आणि सुरक्षित होणार आहे.
advertisement
डिजिटल इंडियामध्ये आर्थिक व्यवहार जेवढे सोपे झाले आहेत, तेवढीच फसवणुकीची भीतीही वाढली आहे. १ एप्रिलपासून लागू होणारा हा नियम तुम्हाला मनस्ताप देण्यासाठी नाही, तर तुमच्या कष्टाचा पैसा सुरक्षित ठेवण्यासाठी आहे. त्यामुळे आजच तुमचा मोबाईल नंबर तपासा आणि निश्चिंत व्हा.
Location :
Mumbai,Maharashtra
First Published :
Apr 01, 2026 8:47 PM IST
