आठवीत शिकणाऱ्या सोहमला शाळेत आला ब्रेन स्ट्रोक, लेकरा वाचवण्यासाठी ड्रायव्हर कुटुंबाची धावधाव, तुम्ही करू शकता मदत!

उपचारादरम्यान डॉक्टरांना समजले की, मेंदूला योग्य प्रमाणात रक्त पोहोचत नव्हते आणि रक्तप्रवाह मेंदूच्या वरच्या भागात साचत होता. त्यामुळे तातडीचे ऑपरेशन करण्याशिवाय पर्याय नव्हता. सोहमच्या मेंदूचा एक भाग तात्पुरता काढून ठेवण्यात आला असून त्याला तब्बल 72 टाके घालण्यात आले आहेत. सध्या तो कांदिवलीतील आरोग्य मॅटरनिटी आणि नर्सिंग होम येथे दाखल असून डॉ. मधुरा कुंभार यांच्या म्हणण्यानुसार सोहमची प्रकृती हळूहळू सुधारत असली तरीही त्याचे मोठे ऑपरेशन करणे अत्यावश्यक आहे. यामुळे लाखोंच्या घरात खर्च अपेक्षित आहे.

मात्र आता येणारे ऑपरेशन, आयसीयू, औषधोपचार आणि पुढील रुग्णालयीन खर्च मिळून साधारण 10 ते 12 लाख रुपयांपेक्षा अधिक रक्कम लागणार आहे. कुटुंबाची आर्थिक परिस्थिती अत्यंत तंग असल्याने ते सोशल मीडियाच्या माध्यमातून मदतीचे आवाहन करत आहेत. ज्यांना सोहमच्या उपचारासाठी मदत करायची आहे, त्यांच्यासाठी कुटुंबाने त्यांचा स्वतःचा यूपीआय आयडी शेअर केला आहे.