Shocking : वृद्धाश्रमात वृद्ध महिलेसोबत घडल भयंकर कृत्य; धक्कादायक घटनेने पनवेल हादरलं

मिळालेल्या माहितीनुसार, 90 वर्षांच्या वृद्ध महिलेला क्षुल्लक कारणावरून अमानुष मारहाण केल्याचा धक्कादायक प्रकार समोर आला आहे. ही घटना 6 आणि 7 डिसेंबर रोजी सकाळच्या सुमारास घडली. या वृद्धाश्रमात राजू आणि अनिल नावाचे दोन कर्मचारी कामावर आहेत. या दोघांनी सलग दोन दिवस वृद्ध महिलेला मारहाण केल्याचा आरोप आहे.

संबंधित वृद्ध महिलेने आश्रमातील वाईट वागणुकीबाबत आपल्या भाचीकडे तक्रार केली होती. ही सांगितलेली गोष्ट त्या कर्मचाऱ्यांना समजली. मग त्यानंतर त्यांनी संतापाच्या भरात तिला काठीने आणि बुक्क्यांनी ही मारहाण केली. एवढ्यावरच न थांबता तिला अश्लील शिवीगाळ करत पुन्हा मारण्याची धमकीही दिली. वयाच्या नव्वदीत असलेली ही महिला मारहाणीमुळे गंभीर जखमी झाली. तिची अवस्था पाहता तातडीने तिला कांदिवली येथील रुग्णालयात दाखल करण्यात आले जिथे तिच्यावर सध्या उपचार सुरू आहेत.