बाप्पाला निरोप देण्यासाठी जा बिनधास्त! मुंबईत पश्चिम आणि मध्य मार्गावर मध्यरात्री धावणार विशेष लोकल

मेन लाइन - डाऊन स्पेशल : सीएसएमटी-कल्याण स्पेशल सीएसएमटीहून 01.40 वाजता सुटून कल्याणला 3.10 वाजता पोहोचेल. सीएसएमटी-ठाणे स्पेशल सीएसएमटीहून 02.30 वाजता सुटेल आणि 03.30 वाजता ठाण्याला पोहोचेल. सीएसएमटी-कल्याण स्पेशल सीएसएमटीहून 03.25 वाजता सुटेल आणि 4.55 वाजता कल्याणला पोहोचेल.

हार्बर लाईन - डाऊन स्पेशल :सीएसएमटी-बेलापूर स्पेशल सीएसएमटीहून 01.30 वाजता सुटेल आणि बेलापूरला 02.35 वाजता पोहोचेल.सीएसएमटी- बेलापूर स्पेशल सीएसएमटीहून 02.45 वाजता सुटेल आणि बेलापूरला 03.50 वाजता पोहोचेल.

चर्चगेटहून विरारसाठी रात्री 1.25, 1.55, 2.25 आणि 3.20 वाजता लोकल सुटेल. परतीच्या मार्गावर विरारहून चर्चगेटसाठी रात्री 12.15, 12.45, 1.40 आणि पहाटे 3 वाजता लोकल सुटेल. पश्चिम रेल्वेवर गर्दीच्यावेळी अप जलद मार्गावरील लोकल सेवा मुंबई सेंट्रल ते चर्चगेटदरम्यान थांबत नाही. मात्र गुरुवारी सायंकाळी 5 वाजेपासून ते रात्री 8.30 वाजेपर्यंत अप दिशेकडे जाणाऱ्या सर्व जलद लोकल, मुंबई सेंट्रल ते चर्चगेट दरम्यान चर्नी रोड सहित सर्व स्थानकात थांबेल. चर्नी रोड स्थानकात फलाट क्रमांक 2 वर प्रवाशांची गर्दी कमी करण्याच्या उद्देशाने या स्थानकात लोकल थांबणार नाहीत. गुरुवारी सायंकाळी 5 ते रात्री 10 वाजेपर्यंत अप धीम्या लोकल चर्नी रोडवर थांबणार नाहीत. त्यामुळे चर्नी रोड स्थानकाच्या फलाट क्रमांक 2 वर कोणतीही लोकल सेवा उपलब्ध नसेल, अशी माहिती पश्चिम रेल्वे प्रशासनाकडून देण्यात आली.