Dombivli Election : निवडणुकीच्या तोंडावर मनसेला 'जोर का झटका', राज ठाकरेंना 'जय महाराष्ट्र' केलेल्या जिल्हाध्यक्षाचा भाजप प्रवेश!
- Published by:Saurabh Talekar
Last Updated:
Dombivli Prakash Bhoir join BJP : भोईर यांच्यासोबत अनेक प्रमुख पदाधिकाऱ्यांनीही भाजपमध्ये प्रवेश केल्यामुळे मनसेसाठी हा मोठा राजकीय झटका मानला जात आहे.
Big blow to MNS in Dombivli : डोंबिवलीतील महाराष्ट्र नवनिर्माण सेनेला (MNS) एक मोठा धक्का बसला आहे. पक्षाचे जिल्हाध्यक्ष आणि माजी विरोधी पक्षनेते प्रकाश भोईर यांच्यासह त्यांच्या पत्नी आणि माजी नगरसेविका सरोज भोईर यांनी आपल्या पदाधिकाऱ्यांसह मनसेला रामराम ठोकून भाजपमध्ये प्रवेश आज करणार आहेत. या प्रवेशामुळे डोंबिवलीतील मनसेची ताकद कमी झाल्याचे दिसत आहे. याचा परिणाम आता निवडणुकीत होणार का? हे पाहणं औत्सुक्याचं ठरणार आहे.
रवींद्र चव्हाण यांच्या हस्ते प्रवेश
प्रकाश भोईर यांनी 28 नोव्हेंबर रोजी आपल्या पदाचा आणि पक्षाचा राजीनामा दिला होता. त्यानंतर आज सकाळी 9 ते 10 वाजेच्या दरम्यान त्यांचा भाजपमध्ये प्रवेश सोहळा पार पडणार आहे. भाजपचे प्रदेशाध्यक्ष रवींद्र चव्हाण यांच्या हस्ते हा प्रवेश करण्यात येईल. भोईर यांच्यासोबत अनेक प्रमुख पदाधिकाऱ्यांनीही भाजपमध्ये प्रवेश होणार असल्याने मनसेसाठी हा मोठा राजकीय झटका मानला जात आहे.
advertisement
रवींद्र चव्हाण यांच्या कार्यक्रमाला हजेरी
मागील काही दिवसांपासून मनसेचे काही नगरसेवक, पदाधिकारी भाजपच्या वाटेवर असल्याची जोरदार चर्चा राजकीय वर्तुळात होती. प्रकाश भोईर यांच्या देवीचापाडा येथील सत्यवान चौक ते स्मशानभूमी रस्त्याच्या कामाचा शुभारंभ काही दिवसांपूर्वी भाजप प्रदेशाध्यक्ष रवींद्र चव्हाण यांनी केला होता. गेल्या पंधरा दिवसापासून भाजप प्रदेशाध्यक्ष रवींद्र चव्हाण यांनी डोंबिवली आयोजित विकास कामांच्या शुभारंभ कार्यक्रमात मनसेचे माजी नगरसेवक प्रकाश भोईर, पत्नी सरोज भोईर हे व्यासपीठावर दिसत होते.
advertisement
प्रकाश भोईर कोण?
प्रकाश भोईर यांनी 2000 साली व 2005 साली शिवसेना पक्षातून नगरसेवक म्हणून निवडून आले होते. 2010 सालाच्या पालिका निवडणुकीत त्यांनी शिवसेना पक्षाला सोडचिठ्ठी देत ते स्वतः व त्यांची पत्नी सरोज भोईर यांनी अपक्ष उमेदवारी लढविली होती. त्यात प्रकाश भोईर यांचा पराभव झाला होता तर त्यांची पत्नी सरोज भोईर या अपक्ष नगरसेविका म्हणून निवडून आल्या होत्या. 2015 सालच्या पालिका निवडणुकीत त्यांनी मनसे पक्षात प्रवेश करीत प्रकाश भोईर व त्यांची पत्नी सरोज भोईर हे भोईर दाम्पत्य मनसेच्या तिकिटावर निवडून आले होते.
view commentsLocation :
Mumbai,Maharashtra
First Published :
November 30, 2025 7:42 AM IST
मराठी बातम्या/मुंबई/
Dombivli Election : निवडणुकीच्या तोंडावर मनसेला 'जोर का झटका', राज ठाकरेंना 'जय महाराष्ट्र' केलेल्या जिल्हाध्यक्षाचा भाजप प्रवेश!


