BMC Elections : खेळ अजून संपला नाही! मुंबई पालिकेच्या निकाल फिरला, ठाकरे करू शकता का कमबॅक?

मुंबई महापालिका निवडणुकीसाठी मतमोजणी उशिराने सुरू आहे. त्यामुळे विजयी जल्लोष सुरू करणाऱ्या कार्यकर्त्यांनी आता आवरतं घ्यावं लागलं आहे, भाजप आणि शिवसेना युतीकडे १२१ जागांची आघाडी होती. पण, संध्याकाळी निकाल फिरला आणि महायुतीची आकडेवारी ही १०५ वर आली आहे. त्यामुळे बहुमताचा आकडा गाठण्यासाठी ११४ जागा लागणार आहे. भाजप सध्याा ८२ जागा, शिवसेना २६ जागेवर विजयी आहे.

तर दुसरीकडे ठाकरे बंधूंच्या शिवशक्तीकडे ७० जागांवर विजयी आघाडी आहे. ठाकरे गटाकडे ६३ आणि मनसे ७ जागांवर विजयी आहे.  आणखी २५ ते ३० मतदारसंघाची मतमोजणी सुरू आहे. ठाकरे बंधूंना अजूनही चमत्काराची अपेक्षा आहे.

जर महायुतीला बहुमताचा आकडा गाठता आला नाहीतर दुसऱ्या मोठ्या पक्षाला संधी मिळणार आहे. जर ठाकरे आणि विरोधकांचा विचार केला तरी बहुमताचा आकडा सहज गाठता येणार नाही. कारण, ठाकरे बंधू आणि विरोधकांची जागेची बेरिज जरी केली तरी १०५ च्या आतच आहे. त्यामुळे अंतिम निकालानंतर चित्र बदलणार आहे.