Central Railway: दिवाळीआधी रेल्वेचा खोळंबा, शनिवारी पुणे – मुंबई वाहतूक ठप्प, 19 तासांचा मेगाब्लॉक!

मुंबई: पुणे ते मुंबई रेल्वे प्रवास करणाऱ्यांसाठी महत्त्वाची बातमी आहे. कर्जत यार्डमध्ये पुनर्बांधणीसह आधुनिक सिग्नल प्रणालीची कामे हाती घेण्यात आली आहेत. त्यामुळे मध्य रेल्वेने 12 ऑक्टोबर (शनिवार) रोजी पळसदरी ते भिवपुरी दरम्यान 19 तासांचा विशेष ब्लॉक जाहीर केला आहे. हा ब्लॉक शनिवार दुपारी 12.20 वाजता सुरू होऊन रविवारी 13 ऑक्टोबर रोजी सकाळी 7.20 वाजेपर्यंत राहणार आहे. या दरम्यान अनेक गाड्यांच्या वेळापत्रकात बदल करण्यात आला असून काही गाड्या पूर्णतः रद्द करण्यात आल्या आहेत.