Central Railway: सणासुदीत प्रवाशांची काळजी, मध्य रेल्वेचा मोठा निर्णय, लाखो प्रवाशांना फायदा!

मुंबई: दिवाळी आणि छठ पूजेनिमित्त रेल्वे प्रवाशांची संख्या मोठ्या प्रमाणात वाढली आहे. या गर्दीचे प्रभावी व्यवस्थापन करण्यासाठी मध्य रेल्वेने मोठा निर्णय घेतला आहे. प्रमुख स्थानकांवर प्रवाशांसाठी विशेष होल्डिंग एरियांची व्यवस्था करण्यात आली आहे. सणासुदीच्या काळात भारतीय रेल्वे देशभरात एकूण 12 हजार 11 उत्सव विशेष गाड्या चालवत आहे. यामुळे 1 कोटीहून अधिक प्रवाशांना प्रवासाची सोय उपलब्ध होणार आहे. मध्य रेल्वे 1,998 विशेष फेऱ्या (आरक्षित व अनारक्षित) चालवत आहे ज्याद्वारे सुमारे 30 लाख प्रवाशांना प्रवासाची सुविधा मिळेल.