DRPPL संस्थेचा कौतुकास्पद पुढाकार, धारावीमधल्या तरुणांना मिळाली रोजगाराची संधी

धाराशिव : आशिया खंडातील सर्वात मोठी झोपडपट्टी म्हणजे धारावी. धारावी सारख्या भागात आजही आपल्याला अनेक प्रश्न निर्माण झालेले दिसतात. अशातच तेथील तरुणांसमोर बेरोजगारी हा सर्वात मोठा प्रश्न आहे. येथील तरुणांमध्ये कौशल्य विकास होणं काळाची गरज आहे. अशातच संस्था जेव्हा तरुणांसाठी पुढे येतात, तेव्हा तरुणांना देखील कौशल्य विकास करण्याचे प्रोत्साहन मिळते.

धारावीमध्ये डीआरपीपीएल या संस्थेने तरुणांना मोफत मोबाईल रिपेरिंग कोर्स, तरुणींना मोफत ब्युटीशियनचा कोर्स प्राप्त करून दिला आहे. या कोर्सच्या अंतर्गत मुलांना मोबाईल रिपेरिंगचा कोर्स शिकवण्यात आला. या कोर्समध्ये मुलांना मोबाईल रिपेरिंग आणि मोबाईल निगडित इतर गोष्टींबद्दल संपूर्ण माहिती देण्यात आली. तर मुलींना ब्युटीशियनचा कोर्स शिकवण्यात आला. या कोर्स अंतर्गत हेअर मेकअप या सर्व गोष्टींसह वैयक्तिक विकास या गोष्टी देखील शिकवण्यात आल्या.