फोटोग्राफरला अजून काय दिसणार? एकनाथ शिंदेंचा उद्धव ठाकरेंवर पलटवार, भाषणातील संपूर्ण मुद्दे

मुंबई : "मराठवाड्यात अतिवृष्टीमुळे शेतकरी हवालदील झाला आहे. आम्ही तिथे मदतीला पोहोचलो. पण मला या शिवसैनिकांचा सार्थ अभिमान आहे. ⁠विरोधकांना फक्त आमचे फोटो दिसतात ⁠पण आतले सामान दिसत नाही. ⁠तुम्ही एक तरी बिस्किटचा पुडा घेवून गेला का? ⁠आमचे फोटो दिसले, जेव्हा तुमचे फोटो लावून आम्ही लोकांना मदत करत होतो तेव्हा नाही काही बोलले. ⁠फोटोग्राफरला अजून काय दिसणार फोटोच दिसणार ना? असं म्हणत उपमुख्यमंत्री एकनाथ शिंदे यांनी उद्धव ठाकरे यांच्यावर जोरदार पलटवार केला.  तसंच, '⁠काही लोकं हात हलवत गेले आणि टीका करुन तोंड वाजवत आले. ⁠यांचे दौरे म्हणजे खुर्ची पाहिजेय,  काजू. बदाम, पाणी मे उतरे तो सर्दी होती है' असा टोलाही शिंदेंनी लगावला.