Shocking News : बापाचं संतापजनक कृत्य! चोरीच्या संशयावर पोटच्या पोराला गरम सुरीचे चटके; मुंबई हादरली
Last Updated:
Mumbai Shocking News : घरातील आणि शाळेतील पैसे चोरी केल्याच्या संशयावरून वडिलांनी आपल्या मुलांना गरम सुरीचे चटके दिल्याचा धक्कादायक प्रकार गोरेगावमध्ये उघडकीस आला असून पोलिसांनी आरोपीविरोधात गुन्हा दाखल केला आहे.
मुंबई : गोरेगाव पोलीस ठाणे हद्दीत एका धक्कादायक घटनेने परिसरात खळबळ उडाली आहे. घरातील तसेच शाळेतील शिक्षकांचे पैसे चोरी करत असल्याच्या संशयावरून एका वडिलांनी आपल्या लहान मुलांना अमानुष शिक्षा दिल्याचा प्रकार उघडकीस आला आहे. या प्रकरणी गोरेगाव पोलीस ठाण्यात संबंधित वडिलांविरोधात गुन्हा दाखल करण्यात आला आहे.
चोरीच्या संशयातून मुलांना दिल्या असह्य यातना
10 डिसेंबर ते 15 डिसेंबर दरम्यान ही घटना घडली असून गोवेले गवळआळी येथील आरोपीच्या राहत्या घरी हा प्रकार घडल्याची माहिती पोलिसांनी दिली. आरोपीने घरातील सुरी गरम करून आपल्या दोन मुलांच्या हातांवर आणि पायांवर चटके दिल्याचे तपासात समोर आले आहे. जखमी मुले ही आरोपीची स्वतःचीच मुले आहेत.
advertisement
मुलांनी घरातील पैसे तसेच शाळेतील शिक्षकांचे पैसे चोरी केल्याच्या तक्रारी येत असल्याने आरोपीने संतापाच्या भरात हे कृत्य केल्याचे समोर आले आहे. मुलांच्या तक्रारीनंतर तसेच माहिती मिळाल्यानंतर पोलिसांनी तात्काळ दखल घेत आरोपीविरोधात गुन्हा नोंदवला आहे. जखमी मुलांवर उपचार करण्यात येत असून पुढील तपास गोरेगाव पोलीस करत आहेत.
Location :
Mumbai,Maharashtra
First Published :
Jan 08, 2026 2:32 PM IST
मराठी बातम्या/मुंबई/
Shocking News : बापाचं संतापजनक कृत्य! चोरीच्या संशयावर पोटच्या पोराला गरम सुरीचे चटके; मुंबई हादरली
