म्हाडाच्या घरासाठी कोणती कागदपत्रे लागतात, आधीच्या तुलनेत प्रक्रिया झाली सोपी, असा करा कर्ज...

मुंबई : म्हाडाकडून मुंबई आणि ठाण्यातील घरांसाठी लॉटरी काढण्यात येणार आहेत. तब्बल 11000 घरांची ही सोडत असणार आहे. ज्या ज्या वेळी म्हाडाच्या घरांची लॉटरी निघते, त्यावेळी कित्येक लोक यासाठी अर्ज करतात. पण बऱ्याच वेळा ‘म्हाडा’च्या योजनेतून घर घेताना कागदपत्रांची यादी पाहूनच सर्वसामान्य अर्ज करत नाहीत. आता म्हाडाने लोकांच्या याच समस्येला हेरून कागदपत्रांची संख्या 21 वरून कमी करून केवळ 6 कागदपत्रांवर आणली आहे. ॲपच्या मदतीने ही प्रक्रिया पारदर्शक पद्धतीने पार पाडली जाणार आहे. त्यामुळे नक्की कोणकोणते कागदपत्रे लागणार आहेत, हे जाणून घेऊयात.

पूर्वी अर्ज भरताना 21 कागदपत्र जोडणे अनिवार्य होते. त्यासोबतच कागदपत्रांच्या पडताळणीचे कामही मानवी पद्धतीने होत होती. यामध्ये प्रदीर्घ काळ जात होता त्यामुळे मनस्तापाने अनेक सामान्य लोक अर्ज भरायचेत नाहीत. याचा परिणाम म्हाडाच्या घरांच्या खरेदीवर होऊ लागला व म्हाडाची घरे रिकामी राहत असल्याचे निरीक्षणातून समोर आले. त्यामुळेच तर आता म्हाडाने ही सर्व प्रक्रिया एका ॲपद्वारे आणि कमी कागदपत्रांमध्ये राबविण्याचा निर्णय घेतला आहे.