यांच्या बापाचे पैसे नाहीत, महापालिका लुटलीय, मतदारांनी खुशाल घ्यावेत, मंदा म्हात्रेंचा नाईक बापलेकावर हल्लाबोल

नवी मुंबई : तुमच्या एकाच घरात दोन तिकीट कशी काय? तुमच्याकडे एवढी संपत्ती कुठून आली? भाजपसाठी तुमचे योगदान काय? अशा प्रश्नांची सरबत्ती भाजप नेत्या, बेलापूरच्या उमेदवार मंदा म्हात्रे यांनी आमदार गणेश नाईक आणि त्यांचे पुत्र संदीप नाईक यांच्यावर केली. कोणत्या बिल्डरकडून किती कमिशन घेता, हे मी वेळ आल्यावर नक्की सांगेन, ते तुम्हाला महागात पडेल, असा इशाराही त्यांनी दिला.