Maratha Reservation : मागासवर्ग आयोगाच्या मसुद्याला मंत्रिमंडळाची मंजुरी, 'असं' मिळू शकतं मराठा समाजाला आरक्षण

मुंबई, प्रतिनिधी : राज्यात मराठा आरक्षणाचा (Maratha Reservation News in marathi) मुद्दा चांगलाच तापला आहे, मराठा आरक्षणासाठी आज राज्य सरकारनं विशेष अधिवेशन (Special Assembly session) बोलावलं आहे. दरम्यान विशेष अधिवेशनापूर्वी राज्य मगासवर्ग आयोगाचा मसुदा कॅबिनेटच्या बैठकीत (Cabinet Meeting) मांडण्यात आला. या मसुद्याला मंत्रिमंडळाची मंजुरी मिळाली आहे. त्यानंतर आता हा मसुदा चर्चेसाठी अधिवेशनात मांडण्यात येणार आहे. दुसरीकडे या अधिवेशनापूर्वी मनोज जरांगे पाटील चांगलेच आक्रमक झाले आहेत. ते ओबीसी आरक्षणावर (Obc reservation) ठाम आहेत. अधिवेशनात आधी सगेसोयरेची मागणी मान्य करा आणि नंतर मागासवर्ग आयोगाचा मसुदा चर्चेसाठी घ्या अशी मागणी जरांगे पाटील यांनी केली आहे.