MHADA Lottery: जास्त विचार करू नका! वेळ कमी उरलाय, म्हाडानं जाहीर केली अर्ज भरण्याची शेवटची तारीख

मुंबई: सर्वसामान्यांना हक्काच्या घराचं स्वप्न साकार करण्याची शेवटची संधी आहे. कोकण मंडळाने स्वस्तातल्या पाच हजार 257 घरांसाठी लॉटरी प्रक्रिया सुरू केली आहे. या लॉटरी प्रक्रियेला भरघोस प्रतिसाद मिळत असून 14 दिवसांत तब्बल 21 हजार 951 जणांनी ऑनलीन अर्ज केला आहे. तर 9 हजार 236 जणांनी अनामत रक्कम देखील भरली आहे. आता अर्ज करण्यासाठी 16 दिवसांची मुदत बाकी असून इच्छुकांना 13 ऑगस्टपूर्वी अर्ज करावा लागणार आहे.