Akshay Shinde Encounter : अखेर मुलींना न्याय मिळाला पण 'बदला...पुरा' तेव्हाच होईल जेव्हा...; अमित ठाकरेंची पोस्ट

मुंबई : बदलापूर अत्याचार प्रकरणातील आरोपी अक्षय शिंदे याचा पोलीस एन्काउंटरमध्ये मृत्यू झाला. तळोजा कारागृहातून ठाण्याला आणत असताना अक्षय शिंदेने पोलीस अधिकाऱ्याची बंदूक हिसकावून गोळीबार करण्याचा प्रयत्न केला. त्यानंतर स्वसंरक्षणार्थ पोलिसांनी झाडलेली गोळी अक्षयला लागली. यात अक्षय शिंदे याचा मृत्यू झाल्यानंतर राज्यात राजकीय आरोप प्रत्यारोप सुरू झाले आहेत. दरम्यान, महाराष्ट्र नवनिर्माण सेनेचे अध्यक्ष राज ठाकरे यांचे पूत्र आणि मनविसेचे अध्यक्ष अमित ठाकरे यांनी सोशल मीडियावर सविस्तर पोस्ट केलीय. यात अक्षय शिंदेच्या मृत्यूने पीडितेला न्याय मिळाल्याचं म्हटलंय. पण 'बदला...पुरा' झाला नसल्याचंही म्हटलं आहे.