Mumbai News: हातपाय बांधले अन् चोर समजून मरेपर्यंत मारलं, गोरेगावात तरुणासोबत भयानक घडलं, चौघांना अटक

मुंबई: ‘चोर सोडून संन्याशाला फाशी’ अशी म्हण आपल्याकडे आहे. असाच काहीसा प्रकार मुंबईतील गोरेगाव (प.) येथील तीनडोंगरी परिसरात घडली. चार कामगारांनी चोर समजून केलेल्या मारहाणीत एका तरुणाचा मृत्यू झाला. हर्षल रामसिंग परमा (वय 26) असे मृत तरुणाचे नाव आहे. रविवारी पहाटे 3 वाजल्यानंतर ही घटना घडली. या प्रकरणी सलमान खान, इसमुल्ला खान, गौतम चमार आणि राजीव गुप्ता या चौघा कामगारांना गोरेगाव पोलिसांनी अटक केली आहे.