Trending:

Mumbai Gateway Ferry Closed : गेटवे ते मांडवा बोटसेवा आज बंद! मुंबई पोलिसांनी जारी केले आदेश, नेमकं कारण काय ?

Published by:Tanvi
local18

Last Updated:October 08, 2025 2:36 PM IST

Mumbai News : मुंबईच्या गेटवे ऑफ इंडिया ते मांडवा दरम्यानची लोकप्रिय बोटसेवा तात्पुरती बंद करण्यात आली आहे. ही सेवा नेमक्या कोणत्या कारणामुळे थांबवण्यात आली आहे आणि पुन्हा कधी सुरू होणार याबद्दल जाणून घ्या सविस्तर.

इम्पॅक्ट शॉटतुमचा गेटवे लेटेस्ट न्यूज

मुंबई : जर तुम्ही गेटवे ऑफ इंडिया हून गेटवे ते मांडवा जाण्याचा विचार करत असाल तर थांबा. पंतप्रधान दौरा करण्यासाठी मुंबईत येत आहेत. या दौऱ्यादरम्यान ते मुंबईतील मेट्रो मार्गिका 3 आणि नवी मुंबई विमानतळाचे लोकार्पण करतील. महत्त्वाच्या कार्यक्रमामुळे आणि सुरक्षा कारणास्तव गेटवे ऑफ इंडिया ते मांडवा जलमार्गावरील सर्व प्रवासी बोटींच्या वाहतुकीवर बंदी घालण्यात आली आहे.

मुंबई पोलिसांनी जारी केलेल्या आदेशानुसार पंतप्रधान मोदी आज मुंबईत असतील. त्यादरम्यान ते राजभवन आणि ताज हॉटेल येथे भेट देतील. या ठिकाणांवर आणि परिसरात सुरक्षा कडक करण्यात आली आहे. त्यामुळे गेटवे ऑफ इंडिया आणि परिसरातील सागरी क्षेत्रात आज कोणत्याही प्रवासी बोटी, फेरी सेवा किंवा जलवाहतुकीला परवानगी दिली जाणार नाही.

याचा परिणाम म्हणून, गेटवे ते मांडवा, अलिबाग, मुरुड आणि इतर किनारी भागांमधील फेरी सेवा आज दुपारीपासून बंद राहणार आहे. पोलिसांनी नागरिकांना आवाहन केले आहे की सुरक्षेच्या कारणास्तव लागू असलेल्या बंदोबस्तात सहकार्य करावे. तसेच नागरिकांनी आपले नियोजित बोट प्रवासाचे वेळापत्रक बदलावे आणि अनावश्यक गैरसोयीपासून बचावासाठी पर्यायी प्रवासाची पूर्वतयारी ठेवावी.

दरम्यान पंतप्रधान नरेंद्र मोदी यांच्या मुंबई भेटीदरम्यान उद्योग संरेखित आणि नवयुगीन अल्पकालीन व्यवसाय अभ्यासक्रमाचा शुभारंभ या कार्यक्रमाचे उद्घाटन त्यांच्या हस्ते ऑनलाईन पद्धतीने होणार आहे. हा कार्यक्रम देशभरातील आयटीआय संस्थांमधून एकाचवेळी प्रसारित केला जाईल.

मुंबईतील रहदारी, प्रवासी वाहतूक आणि जलवाहतुकीवर या बंदीमुळे थोडा परिणाम होऊ शकतो. त्यामुळे नागरिकांनी प्रवासापूर्वी आपली योजना बदलणे गरजेचे आहे. गेटवे परिसरात सुरक्षा वाढविल्यामुळे फेरी सेवा चालवणाऱ्या कंपन्या आणि प्रवाशांना गैरसोय होऊ शकते. पोलिसांनी सर्वांना सल्ला दिला आहे की, फेरी सेवा आणि जलवाहतुकीसाठी पर्यायी मार्गांचा वापर करावा आणि घाईगडबडी टाळावी.

सदर बंदी फक्त आजच्या दिवशी लागू होणार असून, पंतप्रधान मोदींच्या मुंबई दौऱ्यानंतर सेवा पुन्हा सुरु होईल. नागरिकांनी या वेळापत्रकाबाबत स्थानिक माहिती तपासावी आणि आवश्यकतेनुसार आपल्या प्रवासाची पूर्वतयारी करावी. पंतप्रधान मोदींच्या कार्यक्रमामुळे नागरिकांना थोडी गैरसोय भासेल, पण सुरक्षा आणि कार्यक्रमाच्या सुरक्षेसाठी ही पावलं आवश्यक आहेत.

एकूणच आज गेटवे ऑफ इंडिया ते मांडवा जलमार्गावरील फेरी सेवा आणि अन्य किनारी बोट सेवांवर बंदी आहे. नागरिकांनी सुरक्षेच्या उपाययोजना पाळून, आपल्या प्रवासाची पूर्वतयारी करावी. तसेच या दिवशी पंतप्रधान मोदींचा मुंबई दौरा आणि लोकार्पण कार्यक्रम यामुळे शहरात सुरक्षेच्या दृष्टीने कडक उपाययोजना राबविल्या आहेत.