Mumbai Local: मध्य रेल्वेवर 'बर्निंग लोकल'चा थरार, आग लागल्याचा पहिला PHOTO समोर

कचरा उचलण्यासाठी वापरली जाणारी ती लोकल होती. संध्याकाळच्या वेळी सुरूवातीला सायडिंगला उभी असलेल्या लोकलमधून मोठ्या प्रमाणावर धूर येत होता. त्यानंतर काही वेळाने अचानक आग लागली. पहिले आग आटोक्यात येण्यासारखी होती. परंतू घटनास्थळी कोणीही नसल्यामुळे आगीच्या कवेत दोन डब्बे पोहोचले. बघता बघता आगीने रौद्ररूप धारण केले होते. सायडिंगला उभ्या असलेल्या लोकलला आग असल्याची माहिती मिळताच, रेल्वे प्रशासनातील अधिकारी- कर्मचारी आणि अग्निशमन कर्मचाऱ्यांनी धाव घेतली. ही आग नेमकी कशामुळे लागली, याबाबत अद्याप ठोस माहिती समजू शकलेली नाही.

धुळ खात पडलेली ही लोकल गेल्या अनेक महिन्यांपासून उभी आहे. भंगारात काढलेल्या ह्या लोकलला कोणीही पाहत नव्हते. सायडिंगला उभी असलेल्या लोकलला कशी काय आग लागली? ही माहिती अद्याप मिळू शकलेली नाही. अचानक आग लागल्यामुळे काही वेळेसाठी लोकल सेवा ठप्प झालेली होती. फार वेळेसाठी लोकल सेवा ठप्प झालेली नव्हती. आग नियंत्रणात येताच मध्य रेल्वेकडून लोकल सेवा पुन्हा सुरू करण्यात आली. रेल्वे सेवा सुरळीत सुरू असून अप आणि डाऊन मार्गावर जलद आणि धीम्या मार्गावरील लोकल सेवा काही मिनिटांसाठी उशिराने धावत आहे. दरम्यान, लोकलला ही आग ऐन गर्दीच्या वेळेतच लोकलला आग लागल्यामुळे चाकरमान्यांचे घरी जाण्यासाठी प्रचंड हाल झाल्याचे दिसून येत आहे.