'तो मला प्रेमाने किकी-पुकी म्हणायचा...', विद्यार्थी अत्याचार प्रकरणात ट्विस्ट, मुंबईच्या शिक्षिकेने दाखवले स्क्रीनशॉट!

मुंबई : मुंबईच्या एका प्रतिष्ठित शाळेमध्ये महिला शिक्षिकेने दहावीच्या विद्यार्थ्यावर वारंवार लैंगिक अत्याचार केल्याचा धक्कादायक प्रकार घडला होता. महिला शिक्षिकेने विद्यार्थ्यावर कारमध्ये तसंच फाईव्ह स्टार हॉटेलमध्ये नेऊन अत्याचार केल्याचे आरोप झाले. तसंच शिक्षिका विद्यार्थ्याला दारू पाजायची आणि त्याला तणामुक्तीसाठी गोळ्याही द्यायची असा दावा मुलाच्या पालकांनी तक्रारीमध्ये केला, पण आता या प्रकरणाला धक्कादायक वळण लागलं आहे. आमच्या दोघांमध्येही घडलेल्या गोष्टी परस्पर संमतीने झाल्याचा दावा महिला शिक्षिकेने न्यायालयात केला आहे, लोकमतने याबाबतचं वृत्त दिलं आहे.