पालघरहून येतोय जनसागर, मुंबईची कोंडी होणार? वाहतुकीत मोठे बदल, ‘हा’ मार्ग बंद

मुंबई: पालघर-मुंबई राष्ट्रीय महामार्गावर येत्या दोन दिवसांसाठी वाहतुकीत मोठे बदल करण्यात आले आहेत. त्यामुळे वाहनचालकांना पर्यायी मार्गांचा वापर करावा लागणार आहे. याबाबत आवाहन प्रशासनाकडून करण्यात आले आहे. जल, जंगल आणि जमीन या महत्त्वाच्या प्रश्नांवर भारतीय कम्युनिस्ट पक्ष (मार्क्सवादी) तसेच इतर संघटनांच्या वतीने 19 जानेवारी रोजी भव्य लाँग मार्चचे आयोजन करण्यात आले आहे. हा लाँग मार्च चारोटी नाका ते जिल्हाधिकारी कार्यालय, पालघर असा काढण्यात येणार असून त्यामध्ये सुमारे 10 ते 11 हजार नागरिक सहभागी होण्याची शक्यता वर्तवण्यात येत आहे.