पुढचे सहा महिने ठाणेकरांना वाहतुकीच्या बदलाचा सहन करावा लागेल त्रास, मग ठाणे- बोरिवली फुल्ल सुसाट

ठाणे- बोरिवली दुहेरी भुयारी मार्ग प्रकल्पाच्या कामाला सुरूवात झाली आहे. दुहेरी मार्गाच्या निर्माणाचे काम ठाण्याच्या घोडबंदर येथील मुल्लाबाग भागातून सुरू केले आहे. संजय गांधी राष्ट्रीय उद्यानाखालून बोगद्याच्या कामाची सुरूवात केली आहे. त्यामुळे विविध वाहने आणि यंत्राची वाहतूक करणाऱ्या वाहनांची त्या भागातून वाहतूक केली जाणार आहे. यामुळे, ठाणे वाहतूक पोलिसांनी वाहतुकीच्या नियमांमध्ये बदल केले आहेत. वाहतुकीच्या नियमांमध्ये कालपासून (शुक्रवार- 14 नोव्हेंबर) बदल झाले आहेत. त्यामुळे ठाणेकरांनी व्यवस्थित मार्ग पाहूनच घराबाहेर पडायचे आहे. पुढचे सहा महिने नागरिकांना वाहतुकीचे नियम पाळावे लागणार आहे.