Bullet Train : सुपरफास्ट प्रवासाचं स्वप्न साकार, बुलेट ट्रेनचं पहिलं तिकीट 'या' दिवशी; भाडे आणि सुविधा काय असणार?

अश्विनी वैष्णव यांनी सांगितल्या प्रमाणे,15 ऑगस्ट 2027 रोजी बुलेट ट्रेनचे पहिले तिकीट विक्रीसाठी उपलब्ध होईल. स्वातंत्र्यदिनाच्या दिवशी देशाला ही ऐतिहासिक भेट मिळणार असून हा दिवस भारतीय रेल्वेच्या इतिहासात महत्त्वाचा ठरणार आहे.

गुरुवारी नवी दिल्ली येथे झालेल्या कॅबिनेट ब्रीफिंगमध्ये रेल्वेमंत्र्यांनी बुलेट ट्रेनच्या टप्प्याटप्प्याने सुरूवातीबाबत माहिती दिली. सुरुवातीला गुजरातमधील सुरत ते बिलिमोरा हा मार्ग प्रवाशांसाठी खुला केला जाईल. त्यानंतर वापी ते सुरत आणि पुढे वापी ते अहमदाबाद हे टप्पे पूर्ण केले जातील. महाराष्ट्रातील प्रवाशांसाठी आधी ठाणे ते अहमदाबाद हा मार्ग सुरू केला जाईल आणि शेवटी मुंबई ते अहमदाबाद हा संपूर्ण मार्ग सुरु होईल.