Mumbai Local Train : पश्चिम रेल्वेचे प्रवाशांसाठी मोठे गिफ्ट; तिकीटावर मोठी सूट, कोणाला मिळणार लाभ?

मुंबई : पश्चिम रेल्वेने प्रवाशांना डिजिटल, झटपट आणि रोख रकमेविना तिकिटे खरेदी करण्यास प्रोत्साहित करण्यासाठी रेलवन अॅपवर अनारक्षित तिकिटांवर 3 टक्के सवलत देण्यास सुरुवात केली आहे. ही सवलत 14 जानेवारी ते 14 जुलै या कालावधीत रेलवन अॅपवरून अनारक्षित तिकिटे आरक्षित करणाऱ्या सर्व प्रवाशांना लागू होईल. रेलवन अॅपवरून प्रवाशांना आरक्षित तिकीट, अनारक्षित तिकीट, फलाट तिकीट, पीएनआर तपासणी, रेल्वे डब्याची माहिती, जेवण मागणी, तिकीट परतावा आणि इतर सेवा सहज उपलब्ध होतात असे पश्चिम रेल्वेने सांगितले.