शुभमन गिल नाही तर चॅम्पियन्स ट्रॉफी जिंकवणारा घेणार तिलक वर्माची जागा, टी-20 वर्ल्ड कपआधी टीम इंडियाचा धक्का!

आगामी टी-ट्वेंटी वर्ल्ड तोंडावर असताना टीम इंडियाला मोठा धक्का बसला आहे. टीम इंडियाचा स्टार खेळाडू तिलक वर्मा जायबंदी झाला. त्याच्यावर शस्त्रक्रिया करण्यात आलीये.

टीम इंडियाचा युवा स्टार फलंदाज तिलक वर्मा याला सकाळी अचानक तीव्र वेदना जाणवू लागल्याने रुग्णालयात दाखल करण्यात आले होते. वैद्यकीय तपासणी केली असता त्याला 'टेस्टिकुलर टॉर्शन' झाल्याचे निदान झाले.

डॉक्टरांच्या सल्ल्यानुसार वेळ न घालवता त्याच्यावर तातडीने शस्त्रक्रिया करण्यात आली असून ही शस्त्रक्रिया यशस्वी झाली आहे. सध्या तिलक वर्मा याची प्रकृती स्थिर असल्याचे सांगण्यात येत आहे.

तिलक वर्मा आता मैदानावर कधी परतणार, याबाबत अद्याप कोणतीही अधिकृत माहिती समोर आलेली नाही. त्याच्या रिकव्हरीसाठी काही काळ लागणार असून वैद्यकीय बुलेटिनद्वारे त्याच्या प्रकृतीची पुढील माहिती दिली जाईल.

अशातच आता तिलक वर्मा जर टी-ट्वेंटी वर्ल्ड कपमध्ये खेळू शकला नाही तर त्याच्या जागी शुभमन गिलला संघात घेतलं जाईल, अशी चर्चा आहे. मात्र, बीसीसीआय शुभमन गिलला नाही तर चॅम्पियन्स ट्रॉफी जिंकवणाऱ्याला संधी देऊ शकते.

सध्या दुखापतीमधून बरा झालेल्या श्रेयस अय्यरला टीम इंडियामध्ये संधी मिळू शकते. बीसीसीआय शुभमन गिल किंवा श्रेयस यांच्यातून एकाची निवड करेल. परंतू सध्या शुभमन फॉर्ममध्ये नाहीये.

दरम्यान, श्रेयस अय्यरने नुकतंच मुंबईकडून खेळताना 81 धावांची वादळी खेळी केली होती. त्यानंतर आता तो न्यूझीलंड सिरीजमध्ये देखील कमाल करताना दिसेल, यात कोणताही वाद नाही.