Air India Plane Crash : टेकऑफ ते क्रॅश... त्या 31 सेकंदांमध्ये काय घडलं? विमान अपघाताचा धक्कादायक CCTV

अहमदाबाद विमान अपघाताचा धक्कादायक सीसीटीव्ही समोर आला आहे. या सीसीटीव्हीमध्ये विमानाने टेकऑफ केल्यानंतर पुढच्या 31 सेकंदांमध्ये ते कोसळत असल्याचं दिसत आहे. विमान कोसळल्यानंतर मोठा स्फोट झाल्याचं तसंच आगीचे लोट आणि धूर येत असल्याचंही या व्हिडिओमध्ये दिसत आहे.

अहमदाबाद विमानतळावरून टेक ऑफ केल्यानंतर पुढच्या काही क्षणांमध्ये हे विमान एअर इंडियाचं AI171 हे विमान दुपारी 1 वाजून 38 मिनिटांच्या सुमारास कोसळलं. अहमदाबादहून हे विमान लंडन गेटविकला निघालं होतं. विमानामध्ये असलेल्या 230 प्रवाशांपैकी 169 प्रवासी हे भारतीय तर 53 ब्रिटीश नागरिक, 7 पोर्तुगिस आणि 1 कॅनडाचा नागरिक होता, तसंच दोन लहान मुलंही या विमानातून प्रवास करत होती. या विमानामध्ये गुजरातचे माजी मुख्यमंत्री विजय रुपानीही होते. सूत्रांनी दिलेल्या माहितीनुसार तांत्रिक बिघाडामुळे हे विमान मागच्या 2 दिवसांपासून अहमदाबादमध्येच होतं.

अहमदाबाद विमानतळावरून टेक ऑफ केल्यानंतर हे विमान रहिवासी भागातल्या एका हॉस्पिटलवर जाऊन कोसळलं, त्यामुळे रुग्णालयातील काही डॉक्टरही जखमी झाले आहेत. विमान ज्या ठिकाणी कोसळले त्या ठिकाणी एक सरकारी रुग्णालय होते. या सरकारी रुग्णालयाच्या टीबी विभागावर हे विमान कोसळले, तिथे जेवणाची मेस देखील होती.