Ahmedabad Air India Plane Crash: अपघातग्रस्त विमानातील प्रवाशांची यादी समोर, गुजरातच्या बड्या नेत्याचे नाव

अहमदाबादहून लंडनला जाणारे हे विमान होते. विमानाने उड्डाण केल्यानंतर काही वेळेतच विमान कोसळले. अहमदाबाद विमानतळावर उड्डाणादरम्यान अपघात झाला असल्याची माहिती समोर आली. एअर इंडियाचे प्रवासी विमान कोसळल्याने एकच खळबळ उडाली. या प्रवासी विमानात 242 प्रवासी असल्याची माहिती आहे. अहमदाबादमधील मेघानी परिसरात हा विमान अपघात झाल्याची माहिती आहे. गुजरातचे माजी मुख्यमंत्री विजय रुपाणी यांचेही नाव प्रवाशांच्या यादीत आहे. त्यामुळे राजकीय क्षेत्रही हादरलं आहे. विजय रुपाणी हे विमानात 2D  या आसनावर बसले असल्याची माहिती समोर आली आहे.

अहमदाबदहून लंडनला निघालेलं विमान अवघ्या 10 मिनिटांत क्रॅश झालं. या विमानात 242 प्रवासी होते. 10 क्रू मेंबर, 2 लहान मुलं, 232 प्रवासी असल्याची माहिती समोर आली आहे. एअर इंडियाचं AI 171 विमान आज दुपारी क्रॅश झालं. विमानाचा मागचा भाग कोणत्या तरी गोष्टीला धडकल्याचं सांगितलं जात आहे. नेमका अपघात कशामुळे झाला याचं कारण अद्याप समोर आलं नाही. आतापर्यंत 30 प्रवाशांचे मृतदेह बाहेर काढण्यात आले आहेत. टेकऑफनंतर 17 व्या मिनिटाला हे विमान हेलकावे खात खाली कोसळलं, या संपूर्ण घटनेचा व्हिडीओ समोर आला आहे. या व्हिडीओमध्ये अपघात भीषण झाल्याचं दिसत आहे.

12 जून 2025 रोजी, मेसर्स एअर इंडियाचे B787 विमान व्हीटी-एएनबी (अहमदाबाद ते गॅटविक) अहमदाबादहून उड्डाण केल्यानंतर काही वेळातच कोसळले. विमानात 242 लोक होते, ज्यात 2 पायलट आणि 10 केबिन क्रू होते. या विमानाचे नेतृत्व कॅप्टन सुमित सभरवाल आणि फर्स्ट ऑफिसर क्लाइव्ह कुंदर यांनी केले होते. कॅप्टन सुमित सभरवाल हे 8200 तासांचा अनुभव असलेले एलटीसी आहेत. सह-वैमानिकाला 1100 तासांचा उड्डाणाचा अनुभव होता. एटीसीनुसार, विमानाने अहमदाबाद येथील धावपट्टी 23 वरून 13.39 भारतीय वेळेनुसार (०८०९ यूटीसी) उड्डाण केले. त्यांनी एटीसीला मेडे कॉल केला, परंतु एटीसीने केलेल्या कॉलला विमानाकडून कोणताही प्रतिसाद मिळाला नाही.