Trending:

Air India Plane Crash : वडिलांचा बिजनेस सांभाळण्यासाठी केलं MBA, भाऊ-बहिणीचा एकाच वेळी मृत्यू, विमान अपघातात कुटुंब उद्ध्वस्त

Published by:Shreyas Deshpande

Last Updated:June 12, 2025 7:05 PM IST

अहमदाबादमध्ये झालेल्या एअर इंडियाच्या विमान अपघातामध्ये उदयपूरमधील कुटुंबही उद्ध्वस्त झालं आहे.

वडिलांचा बिजनेस सांभाळण्यासाठी केलं MBA, भाऊ-बहिणीचा एकाच वेळी मृत्यू, विमान अपघातात कुटुंब उद्ध्वस्त

अहमदाबाद : अहमदाबादमध्ये झालेल्या एअर इंडियाच्या विमान अपघातामध्ये उदयपूरमधील कुटुंबही उद्ध्वस्त झालं आहे. या विमानातून उदयपूरचे चार जण प्रवास करत होते. उदयपूरचे मार्बल व्यापारी पिंकू मोदी यांचा 24 वर्षांचा मुलगा शुभ आणि 22 वर्षांची मुलगी शगुन मोदी हेदेखील या विमानात होते. याशिवाय रुंदेडा गावातील वर्दी चंद मेनारिया आणि प्रकाश मेनारिया हेदेखील या विमानाने अहमदाबादहून लंडनला निघाले होते. विमान अपघाताची माहिती मिळताच पिंकू मोदी आणि त्यांचे कुटुंब अहमदाबादला रवाना झालं आहे. राजस्थानचे मुख्यमंत्री भजनलाल शर्मा यांनीही त्यांचे सर्व कार्यक्रम रद्द केले आहेत.

शुभ मोदी (24 वर्ष) आणि शगुन मोदी (22 वर्ष) हे उदयपूरचे मार्बल व्यावसायिक पिंकू मोदी यांची मुलं आहेत. शुभ आणि शगुन यांनी एमबीए पूर्ण केलं होतं, तसंच ते वडिलांना व्यवसायात मदत करत होते. शुभ आणि शगुन हे दोघेही लंडनला फिरायला निघाले होते. लंडनमध्ये जाऊन एका मित्रासोबत राहण्याचा प्लान या दोघांनी केला होता, पण त्यांचा हा प्लान पूर्ण व्हायच्या आधीच सगळं उद्ध्वस्त झालं. दरम्यान विमान अपघाताची माहिती मिळताच पिंकू मोदी त्यांच्या संपूर्ण कुटुंबासह अहमदाबादला रवाना झालं आहे.

मेनारिया कुटुंबातील सदस्यही विमानात

उदयपूर जिल्ह्यातील रुंदेडा गावातील रहिवासी असलेले वरदी चंद मेनारिया आणि प्रकाश मेनारिया हे देखील त्याच विमानात होते. सूत्रांनी दिलेल्या माहितीनुसार, दोघेही लंडनमध्ये शेफ म्हणून काम करतात. हे दोघेही लंडनला कामासाठी परत जात होते.

अपघाताच सर्व 242 जणांचा मृत्यू

गुरूवारी दुपारी 1.38 वाजण्याच्या सुमारास या विमानाने अहमदाबादच्या सरदार वल्लभभाई पटेल आंतरराष्ट्रीय विमानतळावरून टेकऑफ केलं, पण पुढच्या 10 मिनिटांमध्ये हे विमान कोसळलं. या विमानात क्रू सह 242 जण होते, या सगळ्यांचा मृत्यू झाल्याची माहिती सूत्रांनी दिली आहे.

Location :

Ahmedabad,Gujarat

First Published :

June 12, 2025 7:05 PM IST

Air India Plane Crash : वडिलांचा बिजनेस सांभाळण्यासाठी केलं MBA, भाऊ-बहिणीचा एकाच वेळी मृत्यू, विमान अपघातात कुटुंब उद्ध्वस्त