Traffic Jam: आठवड्याच्या सुरुवातीलाच सर्वात मोठा ट्रॅफिक जाम, 5 किमीपर्यंत लांब रांगा, गाड्याही अडकल्या

प्रजासत्ताक दिनाच्या परेडची तालीम आणि वाहतूक पोलिसांनी घातलेले निर्बंध यामुळे आज दिल्ली-मेरठ एक्स्प्रेस वेवर वाहतुकीचा मोठा खोळंबा झाला आहे. पांडव नगरपासून सराई काले खानपर्यंत सुमारे ५ किलोमीटरपर्यंत वाहनांच्या लांबच लांब रांगा लागल्या आहेत. सोमवारी सकाळच्या घाईच्या वेळीच ही कोंडी झाल्याने कार्यालयांत जाणाऱ्या हजारो कर्मचाऱ्यांचा खोळंबा झाला असून वाहने रस्त्यावरच ट्रॅफिकमध्ये अडकले आहेत. आठवड्याच्या पहिल्याच दिवशी लेटमार्क लागणार आहे.