India Pakistan ceasefire : भारत-पाक तणावात Donald Trump 'बिन बुलाए मेहमान', म्हणतात 'काश्मीरचा प्रश्न सोडवण्यासाठी मी...'

Donald Trump on India-Pakistan ceasefire : ऑपरेशन सिंदूरने सुरू झालेला भारत-पाकिस्तान संघर्ष अखेर शनिवारी रात्री संपला. अमेरिकेचे राष्ट्राध्यक्ष डोनाल्ड ट्रम्प यांनी सोशल मीडियावर पोस्ट करत भारत आणि पाकिस्तान या दोन्ही देशांना तणाव थांबवण्याची विनंती केली आणि शस्त्रसंधी लागू करण्याचं आवाहन केल्याचा दावा केला होता. त्यानंतर पाकिस्तानी परराष्ट्र मंत्री आणि भारतीय परराष्ट्र सचिवांनी याबद्दल अधिकृत घोषणा केली होती. दोन्ही देशांच्या लष्कराच्या संचालनाचे महानिर्देशकांमध्ये झालेल्या थेट चर्चेनंततरच शस्त्रसंधी झाल्याचे भारताने म्हटले आहे. अशातच आता अमेरिकेचे राष्ट्राध्यक्ष डोनाल्ड ट्रम्प यांनी (Donald Trump post On Kashmir solution) पुन्हा श्रेय घेण्याचा प्रयत्न केला आहे.