Israel Embassy : दिल्लीत इज्रायल एम्बसीजवळ स्फोट, घटनास्थळावर सापडलेल्या पत्रामुळे खळबळ

नवी दिल्ली, 26 डिसेंबर : नवी दिल्लीतल्या इज्रायल दुतवासाजवळ स्फोट झाल्याची माहिती आहे. दिल्ली पोलिसांना मंगळवारी संध्याकाळी स्फोट झाल्याबद्दल माहिती मिळाली. संध्याकाळी 5 वाजून 47 मिनिटांनी दिल्ली पोलिसंच्या पीसीआरला स्फोट झाल्याबद्दलचा कॉल आला होता, यानंतर पोलीस आणि अग्निशमन विभागाचे अधिकारी घटनास्थळावर पोहोचले. आपण या स्फोटोचा आवाज ऐकल्याचं तिथे उपस्थित असलेल्या एका प्रत्यक्षदर्शीने सांगितलं आहे. संध्याकाळी पाच वाजण्याच्या सुमारास मी मोठा आवाज ऐकला. मी ड्युटीवर होतो, आवाज ऐकून बाहेर आलो तेव्हा एका झाड्याच्या वरून धूर येताना मला दिसला, मी एवढंच बघितलं. पोलिसांनी माझा जबाब नोंदवून घेतला आहे, असं प्रत्यक्षदर्शीने सांगितलं.