Goa Night Club Fire: गोवा नाइट क्लब आग प्रकरण: थायलंडमध्ये लपलेल्या लुथरा बंधूंच्या मुसक्या कशा आवळल्या? वाचा Inside Story

‘बर्च बाय रोमियो लेन’ नाइट क्लबला आग लागल्यानंतर काही वेळेतच सौरभ आणि गौरव लुथरा यांनी मेक माय ट्रीपवरून तिकीट बुक केले आणि थायलंडला पळ काढला. मध्यरात्री १.३० वाजण्याच्या सुमारास त्यांनी तिकीट बुक केले आणि सकाळच्या सुमारास फ्लाइट पकडली आणि देशाबाहेर पळ काढला.

गोव्यातील क्लबला लागलेल्या आगीच्या प्रकरणानंतर गोव्यात त्याचे तीव्र पडसाद उमटले. क्लबच्या आगीच्या घटनेनंतर पोलिसांनी गुन्हा दाखल करत तपासाला सुरुवात केली. मात्र, नाईट क्लबचे मालक असलेले सौरभ लुथरा आणि गौरव लुथरा हे देशाबाहेर पळून गेले. हे दोघेही जण थायलंडमधील फुकेतमध्ये लपून बसले असल्याची माहिती समोर आली.

अधिकाऱ्यांनी दिलेल्या माहितीनुसार, आरोपींना ताब्यात घेतल्यानंतर, दोघांना फुकेतमधील एका डिटेंशन सेंटरमध्ये नेण्यात आले आहे आणि त्यांच्या परतीची प्रक्रिया सुरू झाली आहे. भारतीय अधिकाऱ्यांनी थायलंडच्या अधिकाऱ्यांशी संपर्क साधला आहे. या दोघांच्या परदेशात मुसक्या आवळणे, सोपे नव्हते. या कारवाईची इनसाइड स्टोरी समोर आली आहे.

गोवा अग्निकांडनंतर गोवा पोलीस आणि भारतीय तपास संस्था हाय अलर्टवर होत्या. लुथरा बंधूंना पकडण्यासाठी सीबीआय आणि गोवा पोलिसांनी ताबडतोब इंटरपोलची मदत घेतली. या प्रकरणात थाई पोलिस आणि तपास संस्थांनी महत्त्वाची भूमिका बजावली. भारतीय एजन्सी थायलंडच्या तपास संस्थांशी नियमित संपर्कात होत्या. थायलंडच्या तपास संस्थांना भारतीय तपास संस्थांना लुथरा बंधूंच्या ठावठिकाण्याबद्दल सतत माहिती पुरवली जात होती. भारतीय एजन्सींना ते मुख्य शहराबाहेर असल्याचे कळले. त्यानंतर, स्थानिक पोलिसांच्या सहकार्याने भारतीय तपास संस्थांनी गुरुवारी सकाळी छापा टाकला. ही कारवाई इतकी गुप्त होती की लुथरा बंधूंना पळून जाण्याची संधी मिळाली नाही. छापा दरम्यान, दोन्ही भावांना फुकेतच्या एका हॉटेलमधून ताब्यात घेण्यात आले.

> थायलंडमध्ये अटक झाल्यानंतर, लुथ्रा बंधूंना भारतात आणण्याची तयारी तीव्र झाली आहे.

> आता, त्यांच्या ताब्यात घेतल्यानंतर, इमिग्रेशन प्रक्रिया सुरू होईल.

> आज संध्याकाळी उशिरा किंवा उद्या प्रक्रिया पूर्ण झाल्यानंतर त्यांना मायदेशी परत पाठवले जाईल.

> लुथरा बंधूंना ताब्यात घेण्यापूर्वी गोवा पोलिसांनी सौरभ आणि गौरव लुथरा यांचे पासपोर्ट निलंबित केले होते.