Air India Plane Crash: "माझा लेक जिंवत, त्याने इमारतीवरून उडी मारली",आईने रडत रडत सगळं सांगितलं

लंडनला जाणारे विमान हे अहमदाबादच्या डॉक्टरांच्या हॉस्टेलवर कोसळले. एएनआय या वृत्तसंस्थेला रमीला बेन यांनी दिलेल्या माहितीनुसार, हॉस्टेलच्या इमारतीवर प्लेन क्रॅश झाले. त्यावेळी त्यांचा मुलगा लंच ब्रेकसाठी गेला होता. परंतु त्याला काही झाले नाही तो सुखरुप आहे.माझे त्याच्याशी फोनवर बोलणे झाले त्याने सुखरुप असल्याची माहिती दिली. दुसऱ्या मजल्यावरून उडी मारत जीव वाचवला. दुसऱ्या मजल्यावरून उडी मारल्याने तो जखमी झाला. मलाा त्याला भेटायला जायचे आहे, जेव्हा मी त्याला भेटेल त्यावेळीच मला त्याची तब्येक रळी आहे हे कळेल.

Watch Video:

एअर इंडियाचे विमान ज्या हॉस्टेलवर कोसळले तिथे देखील मोठी जीवितहानी झाल्याची शक्यता वर्तवण्यात येत आहे. मात्र या संदर्भात कोणतेही अधिकृत वृत्त आलेले नाही. जगभरातील अनेक नेत्यांनी दु:ख व्यक्त केले आहे. या विमानात 242 प्रवासी होते त्यातील 169 भारतीय प्रवाशी होती. दो पायलट आणि 10 क्रू मेंबरचा देखील यामध्ये समावेश होता. ज्या इमारतीवर हे विमान कोसळले ती जळून खाक झाली आहे. मेघानी नगरचा परिसर हा सरदार वल्लभ भाई पटेल एअरपोर्टजवळचा परिसर आहे. मेघानी नगर परिसरातच एक हॉस्टेल देखील आहे.

या विमानात गुजरातचे माजी मुख्यमंत्री विजय रुपाणी हे देखील होते. ते त्यांच्या मुलीला आणि बायकोला भेटण्यासाठी लंडनला जात होते. उड्डाणानंतर पाच मिनिटांतच विमान कोसळले. बोईंग ड्रीमलायनर 787 मध्ये 300 प्रवाशांची आसन क्षमता होती. पायलटने MAYDAY कॉल केला. MAYDAY कॉल म्हणजे आपत्कालीन परिस्थिती.

घटनास्थळी मदत आणि बचाव कार्य सुरू आहे. जखमींना सिव्हिल हॉस्पिटलमध्ये दाखल करण्यात आले आहे. एअर इंडियाने 18005691444 हा हेल्पलाइन क्रमांक जारी केला आहे.