Trending:

बंद खोलीत दृश्य पाहून पतीचे आयुष्यच उद्ध्वस्त झालं, हृदय पिळवटून टाकणारी घटना; आईसह 10 महिन्यांच्या बाळाचा भयावह शेवट

Published by:Jaykrishna Nair

Last Updated:Jan 10, 2026 3:21 PM IST

Heartbreaking Incident: हैदराबादमध्ये घरगुती वादातून घडलेल्या एका हृदयद्रावक घटनेने संपूर्ण शहर हादरले आहे. 27 वर्षीय महिलेने आपल्या 10 महिन्यांच्या चिमुकल्या मुलाला विष देऊन ठार केल्याचा आरोप असून, त्यानंतर तिनेही आत्महत्या केल्याचे प्राथमिक तपासात समोर आले आहे.

इम्पॅक्ट शॉटतुमचा गेटवे लेटेस्ट न्यूज

हैदराबाद: हैदराबादमध्ये घरगुती वादातून हृदय पिळवटून टाकणारी घटना समोर आली आहे. 27 वर्षीय महिलेने आपल्या 10 महिन्यांच्या चिमुकल्या मुलाला विष देऊन ठार केल्याचा आरोप असून, त्यानंतर तिनेही आत्महत्या केल्याचे पोलिसांचे प्राथमिक म्हणणे आहे. या धक्कादायक घटनेनंतर मुलाच्या आजीनेही आत्महत्येचा प्रयत्न केल्याची माहिती आहे.

मृत महिलेचे नाव सुषमा (वय 27) असे असून, तिचा विवाह चार वर्षांपूर्वी चार्टर्ड अकाउंटंट यशवंत रेड्डी यांच्याशी झाला होता. या दाम्पत्याला यशवर्धन रेड्डी नावाचा 10 महिन्यांचा मुलगा होता. कुटुंबीयांच्या माहितीनुसार, गेल्या काही दिवसांपासून पती-पत्नीमध्ये वारंवार वाद होत होते.

पोलीस तपासानुसार सुषमा काही कौटुंबिक कार्यक्रमाच्या खरेदीसाठी आई ललिता (वय 44) यांच्या घरी आली होती. त्याच घरात सुषमाने बाळाला सोबत घेऊन एका खोलीत गेली. तेथे तिने प्रथम मुलाला विष दिले आणि त्यानंतर स्वतःही आत्महत्या केल्याचा संशय आहे.

सायंकाळी साडेनऊच्या सुमारास यशवंत रेड्डी कामावरून घरी परतले. बेडरूम आतून बंद असल्याचे लक्षात आल्यानंतर त्यांनी दरवाजा तोडला. आत सुषमा आणि मुलगा बेशुद्ध अवस्थेत आढळून आले. रुग्णालयात नेल्यानंतर दोघांनाही मृत घोषित करण्यात आले. त्यानंतर यशवंत यांनी पोलिसांना माहिती दिली.

मुलगी आणि नातू मृतावस्थेत दिसताच ललिता यांना जबर धक्का बसला. त्यानंतर त्यांनीही आत्महत्येचा प्रयत्न केल्याचे पोलिसांनी सांगितले. सध्या त्यांच्यावर रुग्णालयात उपचार सुरू आहेत.

या प्रकरणी पोलिसांनी गुन्हा दाखल केला असून तपास सुरू आहे. प्राथमिक चौकशीत पती-पत्नीतील घरगुती वाद हे कारण असल्याचे संकेत मिळत आहेत. मृतदेह शवविच्छेदनासाठी पाठवण्यात आले असून, कुटुंबीयांसह संबंधितांचे जबाब नोंदवले जात आहेत, अशी माहिती पोलिसांनी दिली.

मदत हवी असल्यास

मानसिक तणाव किंवा आत्महत्येचे विचार असल्यास त्वरित मदत घ्या.

Vandrevala Foundation for Mental Health: 9999 666 555

help@vandrevalafoundation.com

TISS iCall: 022-25521111 (सोमवार ते शनिवार, सकाळी ८ ते रात्री १०)

(आपण किंवा आपल्या ओळखीतील कोणाला मदतीची गरज असल्यास, जवळच्या मानसिक आरोग्य तज्ज्ञांशी संपर्क साधा.)

view comments

Location :

Mumbai,Maharashtra

First Published :

Jan 10, 2026 3:21 PM IST

बंद खोलीत दृश्य पाहून पतीचे आयुष्यच उद्ध्वस्त झालं, हृदय पिळवटून टाकणारी घटना; आईसह 10 महिन्यांच्या बाळाचा भयावह शेवट