लावणाची लंका म्हणजे श्रीलंकामध्ये कसा साजरा होतो दसरा? समोर आल्या अशा गोष्टी ज्या तुम्हाला आश्चर्यचकीत करु शकतात

श्रीलंकेत दसरा भव्य स्वरूपात नाही, तर धार्मिक विधी, देवी पूजन आणि सामुदायिक कार्यक्रमांद्वारे साजरा होतो. नवरात्रीच्या नऊ दिवसांत देवी दुर्गा, सरस्वती आणि लक्ष्मीची पूजा केली जाते. जाफना, त्रिंकोमली, बतिकलोआ अशा तमिळबहुल भागांत मंदिरांमध्ये आरती, अनुष्ठानं आणि विशेष धार्मिक कार्यक्रम होतात. भारताप्रमाणेच इथेही औजारं, शस्त्रं आणि वाहनांची पूजा करण्याची परंपरा आहे.

तामिळ संस्कृतीच्या प्रभावामुळे श्रीलंकेतही विजयादशमीचा दिवस शिक्षणारंभासाठी शुभ मानला जातो. लहान मुलांना या दिवशी पहिलं अक्षर लिहायला शिकवलं जातं. यालाच ‘विद्यारंभम’ म्हणतात. या दिवशी सरस्वती पूजन करून मुलांच्या उज्ज्वल भवितव्यासाठी प्रार्थना केली जाते.

भारतामध्ये रावणाला वाईटाचं प्रतीक मानलं जातं, पण श्रीलंकेत रावणाला वीर योद्धा आणि महान राजा म्हणून गौरवण्यात आलं आहे. स्थानिक कथांनुसार रावणाने लंकेला समृद्ध केलं, आयुर्वेदाचं ज्ञान दिलं आणि तो शिवभक्त होता. त्यामुळे इथे रावणाला खलनायक न मानता नायक मानलं जातं. रावण दहन केल्यास लोकांच्या भावना दुखावल्या जातील असं मानलं जातं. म्हणूनच श्रीलंकेत दसरा म्हणजे रामाच्या विजयाचं स्मरण नव्हे, तर देवीपूजा, शस्त्रपूजन आणि शिक्षणारंभाचं प्रतीक आहे.

कोलंबो : राजधानीत मंदिरे, रामायणावर आधारित नाटकं, नृत्यप्रदर्शन आणि धार्मिक सोहळे होतात.