कुंभ मेळ्यातील IITian बाबा अभय सिंहबद्दल समोर आली आजवर कोणाला माहित नसलेली गोष्ट; वडील म्हणाले, माझ्या मुलाने...

अभय सिंह दिल्ली आणि कॅनडा येथे नामांकित कंपन्यांमध्ये नोकरी केली. मात्र त्यानंतर सर्व काही सोडले आणि ते भारतात परत आले. हिवाळ्यात ते मनाली, शिमला, हरिद्वार यांसारख्या ठिकाणी भटकत असायचे.

अभय सिंह यांनी मुंबई आयआयटीमधून पदवी मिळवल्यानंतर दिल्ली आणि कॅनडामध्ये नोकरी केली. काही काळ कॅनडामध्ये आपल्या बहिणीसोबत राहिल्यानंतर त्यांनी नोकरी सोडली आणि भारतात परत आले. त्यांनी उज्जैनमधील अर्धकुंभात सहभाग घेतला होता आणि सध्या प्रयागराजमधील महाकुंभात उपस्थित आहेत. अभय सिंग यांना फोटोग्राफीचा मोठा छंद आहे आणि त्यांनी हिमाचल प्रदेशातील लाहौल-स्पिती, काझा, धर्मशाळा यांसारख्या ठिकाणांची छायाचित्रे त्यांच्या सोशल मीडिया पेजवर शेअर केली आहेत. सोशल मीडियावर ते खूप लोकप्रिय झाले असून त्यांची प्रसिद्धी वेगाने वाढत आहे.

वडिलांच्या मते, अभय सिंह यांचे निर्णय त्यांच्यासाठी धक्कादायक होता. परंतु त्याने आपल्या आयुष्यासाठी वेगळा मार्ग निवडला आहे. तरीही कुटुंब त्यांच्या परतीची आशा बाळगून आहे.