Israel-Lebanon Conflict : इस्रायल-हिजबुल्लाहमध्ये संघर्ष; लेबनॉनच्या सीमेवर 900 भारतीय जवान, कारण काय?

UNIFIL शी संबंधित असलेल्या एका सूत्राने दिलेल्या माहितीनुसार, दक्षिण लेबनॉनमध्ये तैनात असणारे सगळे भारतीय सैनिक सुरक्षित आहेत. पीटीआय या वृत्तसंस्थेसोबत बोलताना UNIFIL च्या सूत्रांनी सांगितले की, या भागात तणाव वाढल्यानंतरही 900 हून अधिक भारतीय जवान आपली जबाबदारी पार पाडत आहेत. सर्व भारतीय जवान सुरक्षित आहेत. इस्रायलच्या नॅशनल सिक्युरिटी कॅबिनेटने लेबनॉनमधील भूभागावरील कारवाईला मंजुरी दिली आहे. त्यानंतर इस्रायली फौजांनी कारवायांना सुरुवात केली आहे. त्यामुळे आगामी काही दिवसात परिस्थिती आणखी गंभीर होण्याची भीती आहे.

UNIFIL ने सांगितले की, लेबनॉनमध्ये जमिनीवरू कारवाई करण्याधी इस्रायल डिफेंस फोर्स (IDF) याची कल्पना दिली होती. त्यानंतर UNIFIL साठी काम करणारे जवान सतर्क झाले. UNIFIL ने संबंधितांना शांतता प्रस्थापित करण्याचे आवाहन केले. त्याशिवाय, बफर झोनमध्ये कोणत्याही प्रकारचे अतिक्रमण न करण्याचेही आवाहन केले.