राहत्या घरी सापडली लग्न झालेल्या मुलाची चिठ्ठी; 'डॅडी मला माफ करा, माझ्या पत्नीची इच्छा आहे...'

पोलिसांनी दिलेल्या माहितीनुसार, पीटर गोल्लापल्ली या व्यक्तीने स्वत:च्या घरात गळफास घेऊन आत्महत्या केली. पीटर एका खासगी कंपनीत काम करत होता. त्याने रविवारी आत्महत्या केली. ही घटना चामुंडेश्वरी नगर परिसरात घडली.

पीटर आणि पिंकी यांचा दोन वर्षांपूर्वी विवाह झाला होता. मात्र वारंवार होणाऱ्या भांडणांमुळे लग्नाच्या तीन महिन्यांनंतर ते वेगळे राहायला लागले. पीटरच्या पत्नीने घटस्फोटासाठी अर्ज दाखल करून 20 लाख रुपयांची पोटगी मागतली होती.

माझा भाऊ एका खासगी कंपनीत काम करत होता. मात्र तीन महिन्यांपूर्वी त्याची नोकरी गेली. आम्हाला माझ्या भावासाठी न्याय हवा आहे. त्या महिलेला (पीटरची पत्नी पिंकी) अटक केली पाहिजे. कोणालाही माझ्या भावाने भोगलेल्या यातना भोगायला लागू नयेत. पिंकीच्या मोठ्या भावानेही त्याला मारहाण केली होती. याबाबत आम्ही पोलिसात तक्रात देखील दिली होती.

पीटरच्या भावाच्या तक्रारीवरून पत्नीविरोधात भारतीय न्याय संहितेच्या कलम 108 (आत्महत्येस प्रवृत्त करणे) अंतर्गत गुन्हा दाखल करण्यात आला आहे. पुढील तपास सुरू असल्याचे पोलिसांनी सांगितले.