'माझं पोरगं थंडीत कुडकुडतंय'! शहीद लेकाच्या पुतळ्याला आईनं दिली मायेची उब, VIDEO पाहून येईल रडू

"आई ती आईच असते..." मग लेक डोळ्यांसमोर असो किंवा त्याचा पुतळा, मातेच्या काळजातील ओलावा कधीच कमी होत नाही. याचाच प्रत्यय देणारा एक अत्यंत हृदयस्पर्शी व्हिडिओ सध्या सोशल मीडियावर व्हायरल होत आहे. बोचऱ्या थंडीत आपल्या शहीद लेकाच्या पुतळ्याला थंडी लागू नये, म्हणून एका माऊलीने त्या पुतळ्यावर मायेचं पांघरूण घातलं. याचा व्हि़डिओ सोशल मीडियावर व्हायरल होताच पाहणाऱ्यांच्याही डोळ्यात पाणी आलं.