7 मेच्या हल्ल्यात पाकिस्तानच्या टॉप-5 दहशतवाद्यांचा खात्मा, सगळी कुंडली आली समोर

मुदस्सर खादियन खास, हाफिज मुहम्मद जमील, मोहम्मद युसुफ अझहर, खालिद अबू आकाशा आणि मोहम्मद हसन खान असं हल्ल्यात ठार झालेल्या पाच दहशतवाद्यांची नावं आहेत. हे सर्व दहशतवादी लष्कर ए तैबा आणि जैश ए मोहम्मद या दहशतवादी संघटनेचे टॉपचे पाच दहशतवादी आहेत. या सर्वांचा भारताने ऑपरेशन सिंदूर राबवून खात्मा केला आहे.

हा लष्कर-ए-तोयबा या दहशतवादी संघटनेशी संबंधित आहे. तो मुरिदके येथील मारकझ तैय्यबाचा प्रमुख देखील आहे. ऑपरेशन सिंदूरमध्ये मुदस्सरचा खात्मा झाल्यानंतर पाकिस्तान लष्कराकडून त्याला 'गार्ड ऑफ ऑनर' देण्यात आली. तसेच पाकिस्तान आर्मी चीफ आणि पंजाब प्रांताच्या मुख्यमंत्री मरियम नवाज यांच्याकडून पुष्पचक्र देखील वाहण्यात आलं. एवढंच नव्हे तर ग्लोबर टेररिस्ट हाफिज अब्दुल रऊफ (JuD) याने देखील मुदस्सर याच्यासाठी नमाज पठण केलं. मुदस्सरच्या अंत्यविधीला लेफ्टनंट जनरल आणि पंजाब पोलिसांचे IG देखील उपस्थित होते.

मोहम्मद अझहर हा देखील जैश-ए-मोहम्मद या दहशतवादी संघटनेशी संबंधित आहे. तो मौलाना मसूद अझहरचा मेहुणा आहे. तो हत्यार प्रशिक्षण प्रमुख आहे. IC-814 अपहरण प्रकरणात तो वाँटेड होता. काश्मीरमधील अनेक हल्ल्यात त्याचा सहभाग आढळून आला आहे.

मोहम्मद खान हा जैश-ए-मोहम्मद या दहशतवादी संघटनेशी संबंध आहे. तो मुफ्ती असघर खान काश्मीरी यांचा मुलगा असून जैश ए मोहम्मदचा कमांडर आहे. तो पाकव्याप्त काश्मिरमध्ये सक्रीय होता. तसेच काश्मीरमधील हल्ल्यांचे समन्वयक म्हणून त्याने काम केलंय.