भारत-पाक सीजफायर होताच राहुल गांधींचं PM मोदींना पत्र, केली महत्त्वाची मागणी

राहुल गांधींनी पत्रात म्हटलं की, विरोधी पक्षाने एकमताने संसदेचे विशेष अधिवेशन तत्काळ बोलावण्याची विनंती केली आहे. या विनंतीचा मी पुनरुच्चार करतो. पहलगाम दहशतवादी हल्ला, ऑपरेशन सिंदूर आणि अमेरिकेचे राष्ट्राध्यक्ष डोनाल्ड ट्रम्प यांनी पहिल्यांदा जाहीर केलेल्या युद्धबंदीवर चर्चा करणं, देशातील जनता आणि लोक प्रतिनिधींना अत्यंत महत्त्वाचे आहे. पुढील आव्हानांना तोंड देण्यासाठी आपला सामूहिक निर्धार दाखवण्याची ही एक संधी असेल. मला विश्वास आहे की तुम्ही या मागणीचा गांभीर्याने आणि लवकरात लवकर विचार कराल.