मंगळसूत्रामुळे किलर सोनमचा कांड उघड, पोलिसांनी कशी उलगडली मर्डर मिस्ट्री? रघुवंशी हत्याकांडात खळबळजनक खुलासे
- Published by:Ravindra Mane
Last Updated:
Raja Raghuwanshi Case: मेघालय पोलिसांनी बुधवारी महत्त्वाची माहिती दिली. मंगळसूत्रामुळे सोनमवर संशय निर्माण झाल्याचं पोलिसांनी सांगितलं.
Raja Raghuwanshi Murder Case: राजा रघुवंशी हत्या प्रकरणातील सर्व आरोपींना बुधवारी शिलाँग न्यायालयात हजर करण्यात आलं. त्यानंतर सोनम रघुवंशी आणि इतर चार आरोपींना शिलाँग सदर पोलीस स्टेशनच्या वेगवेगळ्या कोठडीत ठेवण्यात आलं. पाचही जणांच्या केलेल्या चौकशीतून आता राजा रघुवंशी हत्या प्रकरणात अनेक महत्त्वाचे खुलासे समोर आले आहेत. दरम्यान, मेघालय पोलिसांनी महत्त्वाची माहिती दिली. सोनमच्या मंगळसूत्रामुळे सोनमवर संशय निर्माण झाल्याचं पोलिसांनी सांगितलं. तसेच मंगळसूत्रामुळेच या हत्या प्रकरणाची उकल झाल्याचं देखील पोलिसांनी सांगितलं.
मेघालय पोलिसांचे डीआयजी डीएनआर मार्क यांनी सोनमच्या मंगळसूत्राबद्दल महत्त्वाची माहिती दिली. त्यांनी सांगितलं की, सोनमने तिचे मंगळसूत्र हॉटेलमध्येच ठेवले होते. ज्यावेळी पोलिसांनी रघुवंशी जोडपं राहत असलेल्या होम स्टेच्या रुमची झडती घेतली. तेव्हा रुममध्ये ठेवलेल्या सुटकेसमध्ये अंगठी आणि मंगळसूत्र सापडले. त्यामुळे पोलिसांना संशय आला. कारण नवविवाहित महिलेने तिच्या हनिमूनदरम्यान तिचे मंगळसूत्र का काढल असेल?" या संशयानंतर पोलिसांनी खोलात जाऊन तपास केला. यानंतर हे सगळं कांड उघडकीस आलं.
advertisement
सोनम आणि इतर चार आरोपी वेगवेगळ्या कोठडीत बंद
सोनमचे कथित प्रेमी राज कुशवाह आणि आकाश राजपूत यांना सदर पोलीस ठाण्याच्या एका कोठडीत ठेवण्यात आले आहे. तर विशाल सिंग चौहान आणि आनंद सिंग कुर्मी यांना दुसऱ्या कोठडीत ठेवण्यात आले आहे. पोलिसांनी सोनमला जेवण दिले होते. तिने जेवणही केलं होतं. न्यायालयात हजर होण्यापूर्वी आणि नंतर ती खूपच शांत दिसत होती. आरोपींच्या वर्तनावर बारकाईने लक्ष ठेवण्यासाठी पोलिसांनी सदर पोलीस ठाण्यात आणि सर्व कोठडीत अनेक सीसीटीव्ही कॅमेरे बसवले आहेत.
advertisement
आरोपीच्या हालचालींबद्दल पोलिसांनी कोणती माहिती दिली
घटनेनंतर आरोपींचे ठिकाण आणि हालचालींचाही पोलीस तपास करत आहेत. हत्येनंतर आरोपी शिलाँगहून गुवाहाटी, नंतर इंदूर आणि शेवटी गाजीपूरला गेला. या संदर्भात, जेव्हा अतिरिक्त एसपींना विचारण्यात आलं, तेव्हा पोलिसांनी हा एक विशेष हालचालींचा पॅटर्न आहे. याबाबत अजून तपास होणं बाकी आहे. हा तपास जसजसा पुढे जाईल तसतसा आपल्याला याबाबत अधिक माहिती मिळेल. ही हालचाल नियोजित होती की फक्त पळून जाण्याचा प्रयत्न होता, हेही समजू शकेल, असंही पोलिसांनी सांगितलं.
Location :
Indore,Madhya Pradesh
First Published :
June 12, 2025 7:40 AM IST
मराठी बातम्या/देश/
मंगळसूत्रामुळे किलर सोनमचा कांड उघड, पोलिसांनी कशी उलगडली मर्डर मिस्ट्री? रघुवंशी हत्याकांडात खळबळजनक खुलासे
