Shrinagar Blast: दिल्लीपाठोपाठ हादरलं श्रीनगर, पोलीस स्टेशनमध्ये भयंकर स्फोट, घटनास्थळावरचे 5 VIDEO

Published by:Kranti Kanetkar

Last Updated:November 15, 2025 7:14 AM IST

Shrinagar Blast: व्हाइट कॉलर दहशतवादाचा तपास करणाऱ्या फॉरेन्सिक अधिकाऱ्यांना गमावला जीव, श्रीनगर पोलीस स्टेशनमधील स्फोटाचे अंगावर काटा आणणारे 5 VIDEO

सगळं काही सुरळीत सुरू असताना अचानक बरोबर 6 दिवसांनंतर दिल्लीपेक्षा भयंकर स्फोट श्रीनगरमध्ये झाला. रात्री 11.30 वाजता हा स्फोट झाला. या स्फोटाची भीषणता इतकी भयंकर होती की दारं खिडक्या हादरुन गेले, इतकंच नाही तर काही किलोमीटरपर्यंत स्फोटाचा भयंकर आवाज आला. या घटनेमुळे श्रीनगर परिसर हादरुन गेला. या स्फोटाचं दिल्ली कनेक्शन असल्याची माहिती समोर आली आहे. व्हाइट कॉलरमागे लपलेल्या दहशतवादाचे धागेदोरे शोधण्यासाठी श्रीनगरमध्ये पोलीस आणि फॉरेन्सिक टीम काम करत होते. त्यावेळी जप्त केलेल्या IED चा साठा हा श्रीनगरमध्ये ठेवण्यात आला होता. या IED चा भयंकर स्फोट झाला.

@श्रीनगर के नौगाम पुलिस स्टेशन से
बड़े धमाके की खबर आ रही है।

विस्फोटक इतना बड़ा था कि काफी दूर तक इसकी धमक सुनाई दी

विस्फोट में कई लोगों की मौत की भी खबरें हैं

आखिर देश में यह सब क्या चल रहा है, क्या हम किसी बड़ी साज़िश के अंतर्गत है
और सरकार क्या कर रही है #shrinagar pic.twitter.com/GWq0Hk96Jy

— Neeraj kumar (@neerajkumarj8v) November 15, 2025

दिल्लीपासून सुमारे ८०० किलोमीटर दूर असलेल्या जम्मू-काश्मीरमधील नौगाम पोलीस स्टेशनमध्ये शुक्रवारी रात्री उशिरा भीषण स्फोट झाला. या भीषण स्फोटात आतापर्यंत नऊ लोकांचा मृत्यू झाला असून, अनेक जण जखमी झाले आहेत. या घटनेमुळे मोठा कोलाहल माजला असून, पोलीस ठाण्याच्या आत हा स्फोट नेमका कसा झाला, हा प्रश्न उभा राहिला आहे. हा हल्ला दहशतवाद्यांनी केला की केवळ निष्काळजीपणामुळे ही दुर्घटना घडली, तसेच या नौगाम स्फोटाचा दिल्लीतील लाल किल्ला स्फोट आणि फरीदाबाद टेरर मॉड्यूलशी काय संबंध आहे, याची चौकशी सुरू आहे.

#BREAKING: Jammu & Kashmir

Explosion at the Nowgam Police Station of Srinagar, J&K. The police station was key to the recent anti-terror investigation.#jammukashmir #shrinagar #delhi #Terrorism #TerroristAttack #carbombblast pic.twitter.com/M8ObNO9bw0

— U R B A N S E C R E T S (@stiwari1510) November 14, 2025

सैंपल घेतानाच झाला अपघात

श्रीगनरच्या नौगाम पोलीस ठाण्यात शुक्रवारी रात्री ११.३० वाजण्याच्या सुमारास हा स्फोट झाला. फरीदाबाद टेरर मॉड्यूलशी संबंधित जप्त केलेल्या स्फोटकांचे नमुने पोलीस घेत असतानाच अचानक हा मोठा स्फोट झाला. फरीदाबाद येथील डॉ. मुजम्मिल गनई यांच्या भाड्याच्या घरातून जम्मू-काश्मीर पोलिसांनी ३६० किलो स्फोटक सामग्री जप्त केली होती आणि याच स्फोटकांचे नमुने घेतले जात होते. नमुना घेताना झालेल्या चुकीमुळे हा अपघात झाल्याचे मानले जात आहे.

ભારત દેશમાં આ મહિને બીજો ધમાકો

શ્રીનગરના નાઉગામ પોલીસ સ્ટેશનમાં બ્લાસ્ટ

જોવો નીચે આપેલા વિડિયોમાં ભયાવહ દ્રશ્યો!#Shrinagar pic.twitter.com/Q0Cd5ma4gL

— i_am_ahmedabad (@I_Am_Ahmedabad) November 14, 2025

लाल किल्ला स्फोटासारखे भीषण दृश्य

नौगाममध्ये रात्री ११.३० वाजता झालेला हा स्फोट लाल किल्ल्याजवळ झालेल्या कार स्फोटासारखाच भयावह होता. हा स्फोट इतका जोरदार होता की त्याचा आवाज दूरवर ऐकू आला. नौगाम पोलीस स्टेशन परिसरात जणू भूकंप झाल्यासारखे वाटले. स्फोटानंतर मृतदेह विच्छिन्न झाले होते आणि मांसाचे तुकडे इकडे-तिकडे विखुरलेले दिसत होते. अनेक मीटर दूरपर्यंत मृतदेहांचे अवयव आढळून आले. दिल्लीतील स्फोटाच्या वेळीही असेच भयानक दृश्य पाहायला मिळाले होते.

શ્રીનગરના નાઉગામ પોલીસ સ્ટેશનમાં બ્લાસ્ટના ભયાવહ દ્રશ્યો!#Shrinagar https://t.co/gBs3deEeOX pic.twitter.com/52WzLLvZmp

— Sagar Patoliya (@kathiyawadiii) November 14, 2025

दिल्ली स्फोट आणि नौगाम कनेक्शन

नौगाम स्फोटाचा दिल्लीतील लाल किल्ला कार स्फोटाशी थेट संबंध आहे, कारण दिल्लीतील स्फोटात अमोनियम नायट्रेटचा वापर करण्यात आला होता आणि नौगाममध्येही पोलीस त्याच अमोनियम नायट्रेटच्या स्फोटक सामग्रीचे नमुने घेत होते. मृतांमध्ये बहुतांश पोलीस आणि स्फोटकांची तपासणी करणारे फॉरेन्सिक टीमचे (FSL) अधिकारी होते. या स्फोटात श्रीनगर प्रशासनातील एका नायब तहसीलदारासह दोन अधिकाऱ्यांचाही मृत्यू झाला आहे.

જમ્મુ અને કાશ્મીરના શ્રીનગરના નાઉગામ પોલીસ સ્ટેશનમાં ભયાનક વિસ્ફોટના CCTV: સૂત્ર#Shrinagar #jammukashmir https://t.co/YiNmbYHxga pic.twitter.com/LIpu0rEO3G

— MG Vimal - વિમલ પ્રજાપતિ (@mgvimal_12) November 14, 2025

नौगाम पोलीस स्टेशनचा तपास होता महत्त्वाचा

नौगाम पोलीस स्टेशननेच दहशतवादी संघटना जैश-ए-मोहम्मदने लावलेल्या पोस्टर्सच्या प्रकरणाचा तपास सुरू करून फरीदाबाद मॉड्यूलचा पर्दाफाश करण्यासाठी पहिले पाऊल उचलले होते. याच तपासामुळे उच्चशिक्षित व्यावसायिकांचा समावेश असलेल्या एका दहशतवादी मॉड्यूलचा खुलासा झाला. या खुलास्यानंतर तपास यंत्रणांनी सुमारे २९०० किलो स्फोटक सामग्री जप्त केली आणि अनेक दहशतवादी डॉक्टरांना अटक केली. ऑक्टोबरमध्ये अटक झालेला डॉ. आदिल अहमद राथर हा 'व्हाईट-कॉलर' दहशतवादातील प्रमुख चेहरा होता, जो नंतर दिल्लीतील स्फोटाच्या कटात सामील असल्याचे उघड झाले. नौगाम पोलीस स्टेशनमध्ये स्फोटकांचा साठा नेमका कशासाठी ठेवला होता आणि स्फोट नेमका कोणत्या कारणामुळे झाला, याची कसून चौकशी सुरू झाली आहे.

view comments

Location :

Delhi,Delhi,Delhi

First Published :

November 15, 2025 7:14 AM IST

Shrinagar Blast: दिल्लीपाठोपाठ हादरलं श्रीनगर, पोलीस स्टेशनमध्ये भयंकर स्फोट, घटनास्थळावरचे 5 VIDEO

Shrinagar Blast: दिल्लीपाठोपाठ हादरलं श्रीनगर, पोलीस स्टेशनमध्ये भयंकर स्फोट, घटनास्थळावरचे 5 VIDEO

फोटो

ताज्या बातम्या