अमेरिकेत शिक्षणासाठी अर्ज करताय? तपासलं जाणार तुमचं सोशल मीडिया, काय आहे नवा आदेश

अमेरिकेत शिक्षण घेण्याची तयारी करत असलेल्या हजारो विद्यार्थ्यांचं टेन्शन वाढवणारी बातमी आहे. अमेरिकेने ‘नो एंट्री’ धोरण लागू करत एफ, एम आणि जे प्रकारच्या वीजा मुलाखती तात्काळ स्थगित केल्या आहेत. या निर्णयामुळे लाखो विद्यार्थ्यांचे शिक्षणाचे स्वप्न अधूरं राहण्याची शक्यता आहे. ‘द गार्जियन’च्या माहितीनुसार, मंगळवारी अमेरिकेच्या सरकारकडून दूतावासांना एक स्पष्ट संदेश पाठवण्यात आला. या संदेशात पुढील सूचना मिळेपर्यंत कोणत्याही नवीन एफ (विद्यार्थी), एम (व्यावसायिक अभ्यासक्रम) किंवा जे (एक्सचेंज प्रोग्राम) वीजा मुलाखती घेऊ नयेत, अशा सूचना देण्यात आल्या आहेत.