120 तास उलटूनही 40 मजुरांना रेस्क्यू करण्यात उशीर का होतोय, नेमकं काय कारण?

खालखो यांनी पुढे दावा केला की, ‘ड्रिलिंग मशिन डिझेलवर चालत असल्यामुळे बचावकार्याची गती मंदावली आहे. हे एक बंद जागेत काम करू शकणारे डिझेलवर चालणारे मशीन आहे. त्यामुळे कॉम्प्रेसरसह विशिष्ट वेळेच्या अंतराने व्हेंटिलेशनची देखील आवश्यकता आहे. या प्रक्रियांमुळे निर्माण होणारं कंपन संतुलन बिघडवू शकतं. आम्ही एका रणनीतीवर काम करत आहोत, पण त्यामध्ये काहीही चूक होणार नाही याची खात्री करण्यासाठी ती रणनीती योग्यप्रकारे अंमलात आणावी लागेल.'

खालखो म्हणाले की, ‘सध्या मशीन समाधानकारकपणे काम करत आहे, आणि ढिगाऱ्यातून पुढे जाण्याच्या कामात प्रगती होत आहे. बचावाचे काम करीत असलेल्या कर्मचाऱ्यांना या सिस्टिमची सवय झाल्यामुळे कामाचा वेग वाढेल. बचावकार्य अखंडपणे सुरू राहावे, यासाठी इंदूरहून बॅकअप म्हणून आणखी एक 'ऑगर मशीन' आणलं जातं आहे.’

नॅशनल डिझास्टर रिस्पॉन्स फोर्स (एनडीआरएफ), स्टेट डिझास्टर रिस्पॉन्स फोर्स (एसडीआरएफ), बॉर्डर रोड ऑर्गनायझेशन (बीआरओ) आणि इंडो-तिबेटन बॉर्डर पोलीस (आयटीबीपी) यासह अनेक एजन्सीचे किमान 165 कर्मचारी बचाव कार्यात गुंतले आहेत. थायलंड आणि नॉर्वेची विशेष बचाव पथकंही या मोहिमेत सामील झाली आहेत.