Independence Day 2024 : आजही भारतीय रेल्वे करतेय इंग्रजांच्या या नियमाचं पालन, पण काय आहे कारण?

इटावा : आज संपूर्ण देशात भारताचा 78 वा स्वातंत्र्य दिवस साजरा केला जात आहे. भारतावर इंग्रजांचे राज्य होते. पण भारतातील हजारो वीर जवानांनी भारत मातेला स्वातंत्र्य मिळवून देण्यासाठी आपल्या प्राणांचे बलिदान दिले आणि आपल्या देशाला स्वातंत्र्य मिळवून दिले. इंग्रजांनी भारत देश सोडून आज इतकी वर्ष झाली आहेत. मात्र, आजही भारतीय रेल्वे इंग्रजांनी तयार केलेल्या नियमांचे पालन करत आहेत. हे नियम कोणते आहेत, हे जाणून घेऊयात.

उत्तर प्रदेशातील इटावा रेल्वे स्टेशन, सराय भूपत स्टेशन, भरथना असो किंवा आणखी कुठले रेल्वे स्टेशन असो सर्व जागेवर जेव्हा ट्रेनचालक आणि हेल्पर आपली ड्युटी संपवतो तेव्हा तो ट्रेनला लूप लाईनवर उभी करतो आणि मग जातो. त्यानंतर, ट्रेनच्या इंजिनच्या पुढे आणि ट्रेनच्या मागील बाजूस बोगीच्या चाकांना लॉक असलेली साखळी बांधली जाते.

इटावाच्या सराय भूपत रेल्वे स्टेशनचे स्टेशन अधीक्षक एन. एस.यादव यांनी ऑफ कॅमेरा सांगितले की, सुरक्षेच्या दृष्टीकोनातून हे काम केले जाते. हा नियम आत्तापासून नाही तर सुरुवातीपासून आहे. त्यासाठी योग्य अभ्यासही केला जातो. हा नियम संपूर्ण भारतातातील रेल्वेला लागू आहे, असेही ते म्हणाले.