10 प्रवाशांना घेऊन विमान टेक ऑफ झाले, 24 तासानंतरही जमिनीवर उतरले नाही; कुठे गायब झाले?

बेरिंग एअरचे एक विमान उनालाक्लीट येथून नोमला जात होते. गुरुवारी ठरलेल्या वेळेत संध्याकळी ४ वाजता हे विमान नोम येथे पोहोचणार होते. मात्र विमानाचा अचानक संपर्क तुटला आणि ते गायब झाले. स्थानिक तसेच राज्यातील अधिकारी विमानाचा शोध घेत आहेत. ६ फेब्रुवारी २०२५ रोजी संध्याकाळी ४:०० वाजता AKRCC कडून एक विमान बेपत्ता झाल्याची माहिती AST ला देण्यात आली. या विमानाचे  शेवटचे लोकेशन दुपारी ३:१६ वाजता Bering Sea मधील Norton Sound भागात दिसले.

गेल्या ९ दिवसात झालेली अशा प्रकारची ही तिसरी घटना आहे. याआधी ६ फेब्रुवारी रोजी फिलिपाइन्समध्ये एका अमेरिकन कॉन्ट्रॅक्टेड विमानाचा अपघात होऊन ४ जण ठार झाले. तर गेल्या आठवड्यात वॉशिंग्टन DCच्या Reagan Airport जवळ US Army हेलिकॉप्टर आणि American Airlines च्या विमानाचा धडक होऊन ६७ जणांचा मृत्यू झाला होता.